ວັນທີ 29 ມີນານີ້ຕາມເວລາທ້ອງຖິ່ນ, ກອງປະຊຸມສຸດຍອດສັນນິບາດອາຣັບຄັ້ງທີ 26 ໄດ້ອັດລົງຢູ່ເອຢິບ. ທ່ານອາບເດວ ຟາຕາ ຊີຊີ, ປະທານາທິບໍດີເອຢິບໄດ້ກ່າວໃນກອງປະຊຸມວ່າ: ເພື່ອຮັບມືກັບໄພຂົ່ມຂູ່ດ້ານຄວາມໝັ້ນຄົງ, ບັນດາປະເທດສະມາຊິກສັນນິບາດອາຣັບໄດ້ເຫັນດີໃນດ້ານຫຼັກການໃຫ້ສ້າງຕັ້ງກອງກຳລັງປະສົມໃນຂັ້ນພື້ນຖານ.
ທ່ານຊີຊີໄດ້ກ່າວໃນກອງປະຊຸມວ່າ: ໂດຍຕອບສະໜອງຕາມຄວາມຮຽກຮ້ອງຕ້ອງການຂອງປະເທດທີ່ກ່ຽວຂ້ອງ, ກອງກຳລັງປະສົມ ອາຣັບຈະດຳເນີນການເຂົ້າແຊກແຊງດ້ານການທະຫານຕໍ່ປະເທດສະມາຊິກສັນນິບາດອາຣັບທີ່ໄດ້ຮັບໄພຂົ່ມຂູ່ໂດຍກົງໃນດ້ານຜືນແຜນດິນອັນຄົບຖ້ວນແລະອະທິປະໄຕ, ທັງຈະປະຕິບັດວຽກງານອື່ນໆທີ່ໄດ້ມອບສິດໃຫ້ໄວ້. ອີງຕາມຖະແຫຼງການຂອງກອງປະຊຸມຄັ້ງນີ້, ບັນດາປະເທດສະມາຊິກສັນນິບາດອາຣັບຈະເລືອກເອົາເອງວ່າຈະເຂົ້າຮ່ວມກຳລັງປະສົມຫຼືບໍ່ໂດຍອີງຕາມຫຼັກການສະໝັກໃຈ.
ຕາມຂ່າວແຈ້ງວ່າ, ກອງກຳລັງປະສົມອາຣັບທີ່ພວມປຶກສາຫາລືກັນຢູ່ນັ້ນ, ອາດຈະມີຈຳນວນເກືອບ 4 ໝື່ນຄົນ, ທັງອາດຈະປະກອບດ້ວຍຍົນຮົບ, ກຳປັ່ນ, ລົດຫຸ້ມເກາະຂະໜາດເບົາແລະອາວຸດຍຸດໂທປະກອນອື່ນໆ.