ຕອນບ່າຍວັນທີ 4 ພຶດສະພານີ້, ຢູ່ຫໍຈືກວາງເກີຂອງຈົ່ງນານໄຫທີ່ນະຄອນຫຼວງປັກກິ່ງຂອງຈີນ, ທ່ານຫຼີເຄີ້ສຽງ, ນາຍົກລັດຖະມົນຕີຈີນໄດ້ຕ້ອນຮັບທ່ານໄຊ ຮາມິດ, ປະທານຄະນະກໍາມະການສາທາລະນະຄົມມະນາຄົມທາງບົກມາເລເຊຍ
ທ່ານຫຼີເຄ້ສຽງກ່າວວ່າ, ໃນປັດຈຸບັນ, ການພົວພັນຈີນ-ມາເລເຊຍມີທ່າອ່ຽງພັດທະນາທີ່ດີ ແລະມີໝາກຜົນອັນອຸດົມສົມບູນໃນດ້ານການຮ່ວມມື. ໃນປີນີ້ມາເລເຊຍໄດ້ຂຶ້ນຮັບຕໍາແໜ່ງເປັນປະເທດປະທານໝູນວຽນອາຊຽນ, ຝ່າຍຈີນຍິນດີເພີ່ມທະວີການແລກປ່ຽນ ແລະການປະສານງານກັບຝ່າຍມາເລເຊຍຕື່ມອີກ, ຮ່ວມກັນຮັກສາສັນຕິພາບ ແລະສະເຖຍລະພາບຂອງພາກພື້ນ, ຍົກສູງການພົວພັນ ແລະການຮ່ວມມືສອງປະເທດໃຫ້ກ້າວຂຶ້ນສູ່ລະດັບໃໝ່.
ທ່ານໄຊ ຮາມິດກ່າວວ່າ, ໄມຕີຈິດມິດຕະພາບມາເລເຊຍ-ຈີນມີປະຫວັດສາດອັນຍາວນານ, ການພົວພັນດ້ານການເມືອງ ແລະເສດຖະກິດລະຫວ່າງສອງປະເທດມີຄວາມໃກ້ຊິດ ແລະມີຄວາມເຂັ້ມແຂງ. ມາເລເຊຍກໍາລັງຊຸກຍູ້ການຫັນປ່ຽນຮູບແບບຂອງສາທາລະນະຄົມມະນາຄົມ, ເຊື່ອໝັ້ນວ່າຝ່າຍຈີນຈະສາມາດເສີມຂະຫຍາຍບົດບາດອັນສໍາຄັນເຂົ້າໃນຂົງເຂດນີ້. ຝ່າຍມາເລເຊຍຍິນດີເພີ່ມທະວີການຮ່ວມມືແບບຕ່າງຝ່າຍຕ່າງມີຜົນປະໂຫຍດກັບຈີນ, ຊຸກຍູ້ການພົວພັນສອງຝ່າຍໃຫ້ກ້າວໄປຂ້າງໜ້າຢ່າງບໍ່ຢຸດຢັ້ງ.
