ຈີນສະຫະພາບເອີລົບຈັດການສົນທະນາດ້ານຍຸດທະສາດລະດັບສູງຮອບທີ 5
2015-05-06 11:44:53 cri
ວັນທີ 5 ພຶດສະພານີ້ ຢູ່ທີ່ນະຄອນຫຼວງປັກກິ່ງ, ທ່ານຢາງເຈຊື ທີ່ປຶກສາແຫ່ງລັດຈີນກັບທ່ານເຟເດຣີກາ ໂມເຮຣີນີ ຜູ້ຕາງໜ້າລະດັບສູງຂອງສະຫະພາບເອີລົບທີ່ຮັບຜິດຂອບນະໂຍບາຍກາຕ່າງປະເທດແລະຄວາມໝັ້ນຄົງ ທັງເປັນຮອງປະທານຄະນະກຳມາທິການສະຫະພາບເອີລົບໄດ້ຮ່ວມກັນເປັນປະທານຈັດການສົນທະນາດ້ານຍຸດທະສາດລະດັບສູງລະຫວ່າງຈີນ-ສະຫະພາບເອີລົບຮອບທີ 5.
ທ່ານຢາງເຈຊືກ່າວວ່າ, ນັບແຕ່ຈີນກັບສະຫະພາບເອີລົບໄດ້ສ້າງສາຍພົວພັນທາງການທູດໃນ 40 ປີມານີ້ ການພົວພັນລະຫວ່າງສອງຝ່າຍໄດ້ພັດທະນາຢ່າງຮອບດ້ານ, ແລະການພັດທະນາແບບນີ້ແມ່ນຢູ່ໃນລະດັບສູງຕະຫຼອດມາ. ການຮ່ວມມືລະຫວ່າງຈີນກັບສະຫະພາບເອີລົບກວມເອົາຫຼາຍກວ່າ 100 ຂົງເຂດ, ແລະໄດ້ຮັບໝາກຜົນຢ່າງອຸດົມສົມບູນ, ທັງນຳເອົາຜົນປະໂຫຍດທີ່ແທ້ຈິງມາໃຫ້ປະຊາຊົນສອງຝ່າຍ. ທັງສອງຝ່າຍຄວນສືບຕໍ່ເພີ່ມທະວີການແລກປ່ຽນແລະປະສານສົມທົບກັນດ້ານຍຸດທະສາດ, ເພີ່ມທະວີຄວາມເຂົ້າໃຈກັນແລະຄວາມໄວ້ເນື້ອເຊື່ອໃຈເຊິ່ງກັນແລະກັນ, ອອກແຮງຊຸກຍູ້ການຮ່ວມມືໃນດ້ານເສດຖະກິດການຄ້າ.
ທ່ານຢາງເຈຊືຍັງໄດ້ແນະນຳນະໂຍບາຍມາດຕະການຂອງຈີນໃນການລົງເລິກການປະຕິຮູບຢ່າງຮອບດ້ານແລະເສັ້ນທາງພັດທະນາໂດຍສັນຕິທີ່ໝັ້ນໜຽວບໍ່ປ່ຽນແປງ, ທ່ານຍັງໄດ້ແລກປ່ຽນຄວາມເຫັນກັບທ່ານ ໂມເຮຣີນີກ່ຽວກັບບັນຫາສາກົນແລະພາກພື້ນທີ່ສົນໃຈຮ່ວມກັນ.
ຫຼັງຈາກໄດ້ສົນທະນາກັນແລ້ວ, ທ່ານຢາງເຈຊືກັບທ່ານ ໂມເຮຣີນີ ໄດ້ຮ່ວມກັນໃຫ້ສຳພາດຕໍ່ສື່ມວນຊົນ.