ຄະນະກຳມາທິການສະຫະພາບເອີຣົບໄດ້ເຜີຍແຜ່ບົດລາຍງານແລມອງເສດຖະກິດໃນລະດູໃບໄມ້ປົ່ງໂດຍຄາດຄະເນວ່າ: ໃນປີ 2015, ເສດຖະກິດຂອງເຂດໃຊ້ເງິນເອີໂຣຈະເພີ່ມຂຶ້ນ 1,5% ແລະ ສະຫະພາບເອີຣົບຈະເພີ່ມຂຶ້ນ 1,8%, ເຊິ່ງຕ່າງໄດ້ສູງກວ່າຕົວເລກຂໍ້ມູນຂອງບົດລາຍງານແລມອງເສດຖະກິດໃນລະດູໜາວທີ່ເຜີຍແຜ່ໃນ 3 ເດືອນກ່ອນນັ້ນ 0,2% ແລະ 0,1%.
ບົດລາຍງານກ່າວວ່າ: ເນື່ອງຈາກວ່າການບໍລິໂພກສ່ວນຕົວໃນປີນີ້ຈະເລັ່ງຄວາມໄວຂຶ້ນ, ການລົງທຶນກໍ່ຈະຟື້ນຕົວຂຶ້ນໃນປີໜ້າ, ຄວາມຕ້ອງການພາຍໃນປະເທດກາຍເປັນປັດໄຈທີ່ສຳຄັນຂອງການເຕີບໂຕດ້ານເສດຖະກິດ. ນອກນີ້, ການເຕີບໂຕຂອງເສດຖະກິດຍັງໄດ້ຮັບຜົນປະໂຫຍດຈາກລາຄານ້ຳມັນເຊື້ອໄຟທີ່ສືບຕໍ່ຢູ່ໃນລະດັບຕ່ຳ, ເສດຖະກິດຂອງໂລກມີການເຕີບໂຕຢ່າງໝັ້ນທ່ຽງ, ເງິນເອີໂຣຫຼຸດລາຄາຢ່າງຕໍ່ເນື່ອງແລະປັດໄຈອື່ນໆ.
ບົດລາຍງານກ່າວຕື່ມວ່າ: ໃນປີ 2015, ເຢຍລະມັນຊຶ່ງເປັນອົງກອນເສດຖະກິດໃຫຍ່ອັນດັບໜຶ່ງຂອງເຂດໃຊ້ເງິນເອີໂຣຄາດວ່າຈະເຕີບໂຕ 1,9% ແລະປີ 2016 ຈະເຕີບໂຕ 2%. ສ່ວນເສດຖະກິດຂອງໄຊປຼັດໃນປີ 2015 ຈະເພີ່ມຂຶ້ນລົບ 0,5% ແລະປີ 2016 ລົບ 1,4%, ເຊິ່ງເປັນປະເທດທີ່ມີການເຕີບໂຕຕິດລົບພຽງປະເທດດຽວຂອງເຂດໃຊ້ເງິນເອີໂຣ.