ແຫຼ່ງຂ່າວຈາກກະຊວງການຄ້າຈີນໃຫ້ຮູ້ວ່າ: ຕາມໜັງສືພິມ Myawaddy Daily newspaper ຂອງມຽນມາສະບັບວັນທີ 2 ພຶດສະພານີ້ລາຍງານວ່າ: ອົງການອະນຸລັກສິ່ງແວດລ້ອມອົງການໜຶ່ງໄດ້ເຜີຍແຜ່ບົດລາຍງານສະບັບໜຶ່ງໂດຍກ່າວວ່າ, ໃນອານາຄົດ, ເນື້ອທີ່ປ່າໄມ້ອະນຸພາກພື້ນແມ່ນ້ຳຂອງເຊິ່ງລວມທັງມຽນມາ, ກຳປູເຈຍ, ລາວ, ໄທແລະຫວຽດນາມນັ້ນ, ອາດຈະຫຼຸດລົງ 30 ລ້ານເຮັກຕາ.
ຄຽງຄູ່ກັບການທຳລາຍປ່າໄມ້ທີ່ຜິດກົດໝາຍແລະທີ່ດິນນຳໃຊ້ໃນຂະແໜງກະສິກຳ, ປູກຝັງ, ລ້ຽງສັດມີການແຜ່ຂະຫຍາຍ, ໃນໄລຍະແຕ່ປີ 1973 ຫາປີ 2009, ເນື້ອທີ່ປ່າໄມ້ໄດ້ຫຼຸດລົງ 1 ສ່ວນ 3 ຢ່າງວ່ອງໄວ, ຄາດວ່າແຕ່ປີ 2010 ຫາປີ 2030, ເນື້ອທີ່ປ່າໄມ້ທີ່ຖືກທຳລາຍນັ້ນ, ຈະເພີ່ມຂຶ້ນຮອດ 30 ລ້ານເຮັກຕາຈາກ 15 ລ້ານເຮັກຕາໃນກ່ອນໜ້ານີ້. ໜັງສືພິມດັ່ງກ່າວໄດ້ອ້າງຄຳເວົ້າຂອງເຂົ້າໜ້າທີ່ຈາກກະຊວງອະນຸລັກສິ່ງແວດລ້ອມແລະປ່າໄມ້ມຽນມາວ່າ: ເປົ້າໝາຍແຫ່ງການອະນຸລັກແລະການປູກໄມ້ແມ່ນໃຫ້ທ້ອງຖິ່ນຕ່າງໆຈັດຕັ້ງວາງແຜນເພື່ອສຳເລັດໃຫ້ມີບໍລິເວນເນື້ອທີ່ປ່າໄມ້ຈຳນວນເກືອບ 9 ແສນ 2 ໝື່ນເຮັກຕາພາຍໃນ 30 ປີ, ເຊິ່ງປະຈຸບັນນີ້ໄດ້ສຳເລັດແລ້ວປະມານ 8 ໝື່ນເຮັກຕາແລ້ວ.