ວັນທີ 5 ພຶດສະພານີ້, ກະຊວງການຕ່າງປະເທດອາເມລິກາປະກາດວ່າຈະໃຫ້ເງິນ 20 ລ້ານໂດລາເພື່ອຂໍຮ່ອງຮອຍກ່ຽວກັບຫົວໂປ່ຂອງກຸ່ນ IS 4 ຄົນ, ເຊິ່ງມີຈຸດປະສົງເພື່ອຈັບກຸມພວກເຂົາ.
ມື້ດຽວກັນ, ກະຊວງການຕ່າງປະເທດອາເມລິກາໄດ້ອອກຖະແຫຼງການ, ໂດຍປະກາດວ່າຈະໃຫ້ເງິນ 7 ລ້ານໂດລາເພື່ອຂໍຂໍ້ມູນຂ່າວສານຂອງອັນ ຣາຮ໌ມານ ມຸສຕາຟາ ອັນ ຄາດຸລີ, ສ່ວນການໃຫ້ຂໍຂໍ້ມູນຂ່າວສານຂອງອາບູ ໂມຮາມເມັດ ອັນ ອັດນາດີ ແລະ ທາຮານ ຕາຢູມູຣາໂຈວິກ ບາຕີຣາສ໌ວີລີມີມູນຄ່າຜູ້ລະ 5 ລ້ານໂດລາ, ແລະໃຫ້ເງິນ 3 ລ້ານໂດລາເພື່ອຂໍຂໍ້ມູນຂ່າວສານຂອງ ຕາຣິກ ບິນ ອັນ ຕາຮາ ບິນ ອັນ ຟາລິຮ໌ ອັນ ອາວນີ ອັນ ຮາຈີ.
ຖະແຫຼງການຂຽນວ່າ, ມຸສຕາຟາ ອັນ ຄາດຸລີ ເຄີຍເປັນຜູ້ຊ່ວຍຂອງອາບູ ມູຊັບ ອັນ ຈາຄາວີ, ຜູ້ນຳກຸ່ມອັນໄຄດາເຄືອຂ່າຍໃນອີຣັກ, ພາຍຫຼັງໄດ້ຮັບການປ່ອຍຕົວອອກຈາກຄຸກເມື່ອຕົ້ນປີ 2012 ແລ້ວ ໄດ້ເຂົ້າຮ່ວມກຸ່ມ IS, ແລະເດີນທາງໄປຊີຣີ; ອັນ ອັດນາດີ ແມ່ນໂຄສົກຂອງກຸ່ມ IS, ຕາຢູມູຣາໂຈວິກ ບາຕີຣາສ໌ວີລີ ແມ່ນຜູ້ບັນຊາການລະດັບສູງຜູ້ໜຶ່ງຂອງກຸ່ມ IS, ສ່ວນອັນ ຮາຈີ ແມ່ນຜູ້ນຳຂອງກຸ່ມ IS ຢູ່ຊາຍແດນຊີຣີກັບຕວກກີ, ທັງເປັນຫົວໜ້າຂອງຜູ້ຫຼອນໂຈມຕີແບບສະຫຼະຊີບທີ່ກ່ຽວຂ້ອງ.
4 ຄົນດັ່ງກ່າວໄດ້ຖືກກະຊວງການເງິນຂອງອາເມລິກາຈັດເຂົ້າເປັນພວກກໍ່ການຮ້າຍລະດັບໂລກໃນປີກາຍນີ້.