ວັນທີ 21 ພຶດສະພານີ້, ງານວາງສະແດງສິລະປະສາທາລະນະໝີແພນດາ Heart Panda ທີ່ດຳເນີນເປັນເວລາ 3 ມື້ໄດ້ໄຂຂຶ້ນຢູ່ສວນໂລກແຫ່ງນະຄອນຫຼວງແບັກແລັງ. ໝີແພນດາສິລະປະທີ່ຜະລິດດ້ວຍຫົວຄິດປະດິດສ້າງທີ່ດີງາມ 43 ໂຕໄດ້ສະແດງຢູ່ເດີ່ນຫຍ້າສວນໂລກ, ດຶງດູດນັກທ່ອງທ່ຽວໄປຊົມເບິ່ງ. ທ່ານແຣນຮາດ ນາວແມນຂອງອົງການປົກຄອງນະຄອນຫຼວງແບັກແລັງດີໃຈຫຼາຍ, ທ່ານກ່າວວ່າ, "ເຢັຍລະມັນເຮົາມີໝີແບັກແລັງ, ຈີນມີ Heart Panda!"
ໝີແພນດາສິລະປະທີ່ເຂົ້າຮ່ວມງານວາງສະແດງ
ງານວາງສະແດງສິລະປະສາທາລະນະໝີແພນດາ Heart Panda ແມ່ນຂອງຂວັນທີ່ຄະນະຜູ້ແທນເຊີງຕູ່ທີ່ເຂົ້າຮ່ວມ "ສັບປະດາອາຊີ-ປາຊິຟິກແບັກແລັງ--ກິດຈະກຳສຳຜັດກັບຈີນ" ມອບໃຫ້ພົນລະເມືອງແບັກແລັງ, ເພື່ອສະເຫຼີມສະຫຼອງຈີນ ກັບ ເຢັຍລະມັນສ້າງສາຍພົວພັນທາງການທູດຄົບຮອບ 43 ປີ. ນີ້ກໍ່ແມ່ນໝີແພນດາວາງສະແດງຢູ່ແບັກແລັງດ້ວຍຮູບແບບສິລະປະສາທາລະນະເປັນເທື່ອທຳອິດ.
ໝີແພນດາສິລະປະທີ່ເຂົ້າຮ່ວມງານວາງສະແດງ
ຂ່າວແຈ້ງວ່າ, ງານວາງສະແດງສິລະປະສາທາລະນະໝີແພນດາ Heart Panda ຈັດໄປຮອດວັນທີ 23 ພຶດສະພານີ້. ຫຼັງຈາກນັ້ນ, ຍັງຈະເດີນທາງໄປສະແດງຢູ່ນະຄອນຊຽງໄຮໃນເດືອນກໍລະກົດ ແລະ ໄປຈັດງານວາງສະແດງຢູ່ມະຫາວິທະຍາໄລອາເມລິກາໃນເດືອນຕຸລາ, ຮອດເວລານັ້ນ ຈະວາງສະແດງຢູ່ມະຫາວິທະຍາໄລຮາວາດ(Harvard University), ມະຫາວິທະຍາໄລຢາເລ(Yale University)ແລະ ມະຫາວິທະຍາໄລຊີກາໂກ(The University of Chicago ).