ວັນທີ 26 ພຶດສະພານີ້, ເວັບໄຊຂອງກະຊວງການຄ້າຈີນເຜີຍໃຫ້ຮູ້ວ່າ, ຈີນ ແລະຈີເລໄດ້ເຊັນບົດບັນທຶກຄວາມເຂົ້າໃຈວ່າດ້ວຍການຍົກລະດັບສັນຍາການຄ້າເສລີ, ເຫັນດີຄົ້ນຄວ້າພິຈາລະນາຄວາມເປັນໄປໄດ້ຂອງການຍົກລະດັບສັນຍາການຄ້າເສລີຈີນ-ຈີເລ. ເພື່ອເລື່ອງດັ່ງກ່າວ, ເຈົ້າໜ້າທີ່ວຽກງານທີ່ກ່ຽວຂ້ອງຂອງສອງຝ່າຍຈະເລີ່ມຈັດການຄົ້ນຄວ້າປະສົມກ່ຽວກັບການຍົກລະດັບສັນຍາການຄ້າເສລີກ່ອນເດືອນສິງຫາປີນີ້.
ສັນຍາການຄ້າເສລີຈີນ-ຈີເລແມ່ນລົງນາມໃນເດືອນພະຈິກຂອງປີ 2005 ແລະໄດ້ເລີ່ມປະຕິບັດໃນເດືອນຕຸລາຂອງປີ 2006 ເຊິ່ງກວມເອົາການຄ້າ, ການຮ່ວມມື ແລະວຽກງານອື່ນໆເປັນຕົ້ນຕໍ, ຫຼັງຈາກນັ້ນ, ສອງຝ່າຍກໍ່ໄດ້ລົງນາມ ແລະປະຕິບັດສັນຍາເພີ່ມຕື່ມກ່ຽວກັບການຄ້າການບໍລິການ ແລະການລົງທຶນ. ສັນຍາການຄ້າເສລີຈີນ-ຈີເລ ເປັນສັນຍາການຄ້າເສລີສະບັບທໍາອິດທີ່ຈີນເຊັນກັບປະເທດອາເມລິກາລາຕິນ ທັງເປັນໜຶ່ງໃນບັນດາສັນຍາການຄ້າເສລີທີ່ມີລະດັບເສລີພາບສູງສຸດຂອງຈີນ. ມາຮອດວັນທີ 1 ເດືອນມັງກອນຂອງປີ 2015, ໄດ້ສໍາເລັດການຫຼຸດພາສີສິນຄ້າໃນສັນຍາດັ່ງກ່າວ.
