ຂ່າວສານຈີນລາຍງານວ່າ: ວັນທີ 27 ພຶດສະພານີ້, ເວັບໄຊ TripAdvisor ເຊິ່ງເປັນເວັບໄຊທ່ອງທ່ຽວທີ່ໃຫຍ່ທີ່ສຸດຂອງໂລກໄດ້ເປີດເຜີຍຊື່ຈີນຊື່ໃໝ່ຄື "ເມົາໂຖຢິ່ງ" ພ້ອມດ້ວຍເຄື່ອງໝາຍຍີ່ຫຼໍ້ທີ່ກ່ຽວຂ້ອງຢ່າງເປັນທາງການ ພ້ອມທັງໄດ້ເປີດຕົວໂປຣເກມມືຖືສະບັບພາສາຈີນຫຼ້າສຸດ, ເວັບໄຊພາສາຈີນກໍໄດ້ຮັບການປັບປຸງໃໝ່ແລ້ວເປີດເຜີຍສູ່ສາຍຕາຜູ້ຊົມໃຊ້ຢ່າງເປັນທາງການ. ການຍົກລະດັບຜະລິດຕະພັນໃນຄັ້ງນີ້ແມ່ນມາດຕະການທີ່ເຕັມໄປດ້ວຍຄວາມໝັ້ນໃຈຂອງ TripAdvisor ພາຍໃຕ້ສະພາບທີ່ນັກທ່ອງທ່ຽວຈີນໄປທ່ຽວຕ່າງປະເທດເພີ່ມຂຶ້ນຢ່າງວ່ອງໄວ, ແລະຍັງເປັນມາດຕະການບຸກເບີກທຸລະກິດພາຍຫຼັງທີ່ໄດ້ສຳຫຼວດຄວາມຮຽກຮ້ອງຕ້ອງການລະອຽດຂອງນັກທ່ອງທ່ຽວຈີນທີ່ເດີນທາງໄປທ່ຽວຕ່າງປະເທດ.
ໃນຖານະທີ່ເປັນເວັບໄຊທ່ອງທ່ຽວແລະເວັບໄຊຕີລາຄາການທ່ອງທ່ຽວທີ່ໃຫຍ່ທີສຸດຂອງໂລກ, TripAdvisorໄດ້ດຶງດູດຜູ້ເຂົ້າຊົມເກືອບ 340 ລ້ານຄົນຕໍ່ເດືອນ, ໂດຍໄດ້ໂຮມສູນຄຳເຫັນຕົວຈິງຂອງນັກທ່ອງທ່ຽວທົ່ວໂລກຫຼາຍກວ່າ 200 ລ້ານຂໍ້ ເຊິ່ງໄດ້ກວມເອົາໂຮງແຮມ,ຮ້ານອາຫານແລະແຫຼ່ງທ່ອງທ່ຽວ 4 ລ້ານ 5 ແສນແຫ່ງຂອງ 190 ກວ່າປະເທດ.