ວັນທີ 26 ພຶດສະພານີ້ຕາມເວລາທ້ອງຖິ່ນ, ໂດຍຕອບສະໜອງຕາມຄຳເຊີນຂອງທ່ານບາຣັກ ໂອບາມາ, ປະທານາທິບໍດີອາເມລິກາ, ທ່ານນາງບັກກຸນເຮ, ປະທານາທິບໍດີສ.ເກົາຫຼີຈະເດີນທາງໄປຢ້ຽມຢາມແລະພົບປະກັບທ່ານໂອບາມາຢູ່ທີ່ທຳນຽບຂາວໃນວັນທີ 16 ມິຖຸນາໜ້ານີ້,ເພື່ອປຶກສາຫາລືສະຖານະການຄວາມປອດໄພຂອງແຫຼມເກົາຫຼີ ແລະບັນຫາອື່ນໆ.
ຝ່າຍທຳນຽບຂາວລາຍງານວ່າ, ທ່ານໂອມາບາກັບທ່ານນາງບັກກຸນເຮຈະແລກປ່ຽນຄວາມເຫັນກ່ຽວກັບຄວາມໝັ້ນຄົງ ເສດຖະກິດແລະບັນຫາຕ່າງໆໃນທົ່ວໂລກ, ປຶກສາຫາລືບັນຫາພັນທະມິດອາເມລິກາ-ສ.ເກົາຫຼີ ພ້ອມບົດບາດຂໍກະແຈໃນການຮັບປະກັນຄວາມໝັ້ນຄົງແລະສເຖຍລະພາບໃນພາກພື້ນ. ສອງຝ່າຍຍັງຈະປຶກສາຫາລືສະຖານະການຄວາມໝັ້ນຄົງຂອງແຫຼມເກົາຫຼີໃນປັດຈຸບັນ, ແລະການຮັບມືກັບການຂົ່ມຂູ່ແບບຕໍ່ເນື່ອງທີ່ມາຈາກສປປເກົາຫຼີ. ນອກນີ້ແລ້ວ, ສອງຝ່າຍຍັງຈະຄົ້ນຄວ້າຫາລືເພີ່ມທະວີການຮ່ວມມືກັນໃນຂົງເຂດເສດຖະກິດ ສິ່ງແວດລ້ອມ ສາທາລະນະສຸກແລະຄວາມໝັ້ນຄົງທາງອິນເຕີເນັດ.
ໃນຕົ້ນປີນີ້ ຝ່າຍທຳນຽບຂາວກໍເຄີຍກ່າວວ່າ, ປີນີ້ແມ່ນປີຂໍກະແຈຂອງອາເມລິກາໃນການຊຸກຍູ້ຍຸດທະສາດຄວາມດຸນດ່ຽງອີກຄັ້ງໃໝ່ໃນພາກພື້ນອາຊີປາຊິຟິກ, ທ່ານສີຈິ້ນຜິງ,ປະທານປະເທດຈີນ, ທ່ານນາງບັກກຸນເຮ,ປະທານາທິບໍດີສ.ເກົາຫຼີ, ທ່ານຊິນໂຈະ ອະເບະ,ນາຍົກລັດຖະມົນຕີຍິ່ປຸ່ນ, ແລະທ່ານໂຈໂຄ ວິໂດໂດ,ປະທານາທິບໍດີອິນໂດເນເຊຍລ້ວນແຕ່ຈະຢ້ຽມຢາມອາເມລິກາ, ອາເມລິກາຫວັງຢາກຍົກລະດັບຂອງການຮ່ວມມືກັບບັນດາປະເທດໃຫ້ສູງຂຶ້ນ.
 |
