ວັນທີ 27 ພຶດສະພານີ້, ທ່ານເສີນຫຼຽນເຈີ່ງ, ຮອງຫົວໜ້າກົມມະຫາສະໝຸດແຫ່ງຊາດຈີນກ່າວວ່າ, ໃນປີນີ້ ຈີນຈະຖືງານວາງສະແດງຈີນ-ອາຊຽນເປັນເວທີ, ປະສານສົມທົບກັບໂຄງຄວາມຄິດ"ໜຶ່ງແລວທາງໜຶ່ງເສັ້ນທາງ"ເພື່ອຊຸກຍູ້ຫຼາຍໂຄງການຮ່ວມມືທາງທະເລກັບອາຊຽນ.
ມຶ້ດຽວກັນ, ຄະນະນັກຂ່າວທີ່ຈັດຕັ້ງໂດຍກອງເລຂາງານວາງສະແດງສິນຄ້າຈີນ-ອາຊຽນນັ້ນ ໄດ້ສໍາພາດກົມມະຫາສະໝຸດແຫ່ງຊາດຈີນ. ທ່ານເສີນຫຼຽນເຈິ່ງໄດ້ຕອບຄໍາຖາມຈາກນັກຂ່າວດ້ວຍລາຍລັກອັກສອນ.
ທ່ານເສີນຫຼຽນເຈິ່ງກ່າວວ່່າ, ປີນີ້ແມ່ນ"ປີການຮ່ວມມືທາງທະເລຈີນ-ອາຊຽນ", ງານວາງສະແດງຈີນ-ອາຊຽນຄັ້ງທີ 12 ທີ່ຈະຈັດຂຶ້ນຢູ່ນະຄອນນານນິງເຂດກວາງຊີຈີນໃນປີີນີ້ ຈະຖື "ການຮ່ວມກັນສ້າງເສັ້ນທາງສາຍໄໝທາງທະເລຂອງສະຕະວັດທີ 21--ຮ່ວມກັນສ້າງແຜນວາດແຫ່ງການຮ່ວມມືທາງທະເລ"ເປັນຫົວຂໍ້ຫຼັກ, ຄະນະກໍາມະການຈັດຕັ້ງຈະວາງແຜນຈັດກິດຈະກໍາຕ່າງໆໃນດ້ານການແລກປ່ຽນທາງການເມືອງ, ເສດຖະກິດການຄ້າ ແລະວັດທະນະທໍາ ໂດຍປິ່ນອ້ອມຫົວຂໍ້ຫຼັກດັ່ງກ່າວ ເພື່ອສ້າງເວທີໃຫ້ແກ່ການຮ່ວມມືທາງທະເລຈີນ-ອາຊຽນ.