ທ່ານຢາງເຈສື, ທີ່ປຶກສາແຫ່ງລັດຈີນໄດ້ຕ້ອນຮັບການເຂົ້າຢ້ຽມຄຳນັບຂອງທ່ານຮີໂຣມາຊາ ອີເກດະ, ຮອງປະທານສະມາຄົມໂຊກາຍີ່ປຸ່ນຢູ່ທີ່ນະຄອນຫຼວງປັກກິ່ງໃນຕອນບ່າຍວັນທີ 27 ພຶດສະພານີ້.
ໂອກາດນີ້, ທ່ານຢາງເຈສື ກ່າວວ່າ: ຝ່າຍຈີນໃຫ້ຄວາມສຳຄັນໃນລະດັບສູງຕໍ່ການຊຸກຍູ້ການແລກປ່ຽນແລະຮ່ວມມືລະຫວ່າງປະຊາຊົນຈີນ-ຍີ່ປຸ່ນ. ເມື່ອບໍ່ດົນມານີ້, ທ່ານສີຈິ້ນຜິງ, ປະທານປະເທດຈີນ ໄດ້ເຂົ້າຮ່ວມກອງປະຊຸມແລກປ່ຽນແລະມິດຕະພາບຈີນ-ຍີ່ປຸ່ນ ແລະ ໄດ້ກ່າວຄຳປາໄສທີ່ສຳຄັນ, ໂດຍຊີ້ອອກວ່າ: ພື້ນຖານແຫ່ງໄມຕີຈິດມິດຕະພາບລະຫວ່າງຈີນ-ຍີ່ປຸ່ນແມ່ນຢູ່ລະຫວ່າງປະຊາຊົນ. ຝ່າຍຈີນຍິນດີຍຶດຖືຈິດໃຈທີ່ຖືປະຫວັດສາດເປັນແວ່ນແຍງ ແລະ ຫັນໜ້າສູ່ອະນາຄົດ, ພະຍາຍາມຮ່ວມກັບຝ່າຍຍີ່ປຸ່ນ ເພື່ອຊຸກຍູ້ໃຫ້ການພົວພັນລະຫວ່າງສອງປະເທດໄດ້ຮັບການປັບປຸງ ແລະ ມີການພັດທະນາຢ່າງບໍ່ຢຸດຢັ້ງ ບົນພື້ນຖານເອກະສານການເມືອງ 4 ສະບັບລະຫວ່າງຈີນ-ຍີ່ປຸ່ນ.
ທ່ານຮີໂຣມາຊາ ອີກາດະ ກ່າວວ່າ: ພາຍໃນປະເທດຍີ່ປຸ່ນໄດ້ມີການຕອບຮັບຢ່າງຕັ້ງໜ້າຕໍ່ຄຳປາໄສຂອງທ່ານປະທານສີຈິ້ນຜິງ. ສະມາຄົມໂຊກາ ຍິນດີຊູຄັນທຸງໄມຕິຈິດມິດຕະພາບຍີ່ປຸ່ນ-ຈີນໃຫ້ສູງ, ແລະປະກອບສ່ວນອັນໃຫຍ່ຫຼວງກວ່າເກົ່າເພື່ອຊຸກຍູ້ການຂະຫຍາຍການພົວພັນລະຫວ່າງຍີ່ປຸ່ນ-ຈີນ.
