ຕາມຂ່າວ CRI, ພິທີສວນສະໜາມເພື່ອລະນຶກ ວັນຄົບຮອບ 70 ປີແຫ່ງໄຊຊະນະສົງຄາມຕໍ່ຕ້ານຟາຊິດຍີ່ປຸ່ນຂອງປະຊາຊົນຈີນແລະສົງຄາມຕໍ່ຕ້ານຟາຊິດຂອງໂລກທີ່ຈະຈັດຂຶ້ນໃນວັນທີ 3 ກັນຍານີ້ໄດ້ກາຍເປັນຈຸດສຸມທີ່ຫາງສຽງຕ່າງປະເທດໃຫ້ຄວາມສົນໃຈ, ສື່ມວນຊົນຫຼາຍໆສຳນັກໄດ້ປັ້ນຂ່າວກ່ຽວກັບຈີນເຈດຕະນາຢາກສວຍໂອກາດຈັດພິທີສວນສະໜາມເພື່ອສະແດງ "ກ້າມຊີ້ນ" ແລະສະແດງກຳລັງຕົວຈິງຂອງປະເທດ.
ຕໍ່ກັບເລື່ອງນີ້, ທ່ານໂຈເຊ ເມເດີອິໂຣສ ດາ ຊິນວາ ດຣ.ວິຊາການເມືອງຂອງມະຫາວິທະຍາໄລຊາວປາວໂລເບຣຊີນ, ນັກປະພັນຂອງເວັບໄຊ Portal Vermelho ເຊິ່ງເປັນເວັບໄຊທາງການຂອງພັກກອມມູນິດເບຣຊີນໄດ້ໃຫ້ສຳພາດຕໍ່ນັກຂ່າວວິທະຍຸCRIວ່າ: ຈຸດປະສົງ ຂອງຈີນໃນການຈັດກິດຈະກຳລະນຶກແມ່ນຈະແຈ້ງທີ່ສຸດນັ້ນກໍຄືເພື່ອຈົດຈຳປະຫວັດສາດ, ທະນຸຖະໜອມສັນຕິພາບ, ເຊິ່ງເປັນໂອກາດທີ່ດີເທື່ອໜຶ່ງເພື່ອສຶກສາປະຊາຊົນ.
ນັກວິຊາການເບຣຊີນຍັງຊີ້ໃຫ້ເຫັນວ່າ: ຈີນໄດ້ມີການເສຍສະຫຼະແລະປະກອບສ່ວນຢ່າງໃຫຍ່ຫຼວງເພື່ອຍາດເອົາໄຊຊະນະແຫ່ງສົງຄາມຕໍ່ ຕ້ານຟາຊິດຂອງໂລກ, ເຊິ່ງຄວນໄດ້ຮັບການຢືນຢັນຢ່າງກວ້າງຂວາງຈາກຊາວໂລກ.