ເປີດບໍລິການເສັ້ນທາງການບິນແຕ່ນະຄອນຫຼວງວຽງຈັນຂອງລາວໄປຫາເມືອງຊາງຊ່າແຂວງຫູນານຂອງຈີນ

ເວລາປະມານ 21 ໂມງຂອງວັນທີ 31 ສິງຫາແລ້ວນີ້, ຍົນໂດຍສານທີ່ບິນຈາກເມືອງຊາງຊ່າແຂວງຫູນານຂອງຈີນໄດ້ລົງໄປຮອດສະໜາມບິນສາກົນວັດໄຕນະຄອນຫຼວງວຽງຈັນຂອງລາວ. ມາຮອດປັດຈຸບັນ, ຍົນໂດຍສານໄປ-ກັບໂດຍກົງທີ່ເຊື່ອມຕໍ່ວຽງຈັນກັບຊາງຊ່າໄດ້ເລີ່ມໃຫ້ບໍລິການຢ່າງເປັນທາງການແລ້ວ.

ທ່ານຊົ້ງເຈີເຟີ່ງ, ຮອງປະທານປະຈຳການສະພາການຄ້າ-ຫູນານຈີນຂອງລາວແຈ້ງໃຫ້ນັກຂ່າວຮູ້ວ່າ: "ການທີ່ເປີດເສັ້ນທາງການບິນໄປ-ກັບໂດຍກົງຈະເປັນການເປີດເສັ້ນທາງກັບບ້ານທີ່ສະດວກໃຫ້ແກ່ພີ່ນ້ອງຮ່ວມຊາດຂອງແຂວງຫູນານຈີນຢູ່ລາວ, ແລະກໍ່ຈະອຳນວຍຄວາມສະດວກທີ່ໃຫຍ່ຫຼວງແລະໂອກາດໃໝ່ໃຫ້ແກ່ການແລກປ່ຽນແລະການຮ່ວມມືລະຫວ່າງແຂວງຫູນານຈີນ-ລາວ, ເຊິ່ງການໄປມາຫາສູ່ກັນດ້ານເສດຖະກິດ-ການຄ້າ, ວັດທະນະທຳ, ການທ່ອງທ່ຽວແລະຜູ້ຄົນລະຫວ່າງສອງແຫ່ງນີ້ຈະຍິ່ງມີຄວາມແໜ້ນແຟ້ນຂຶ້ນກວ່າເກົ່າ."

ຖ້ຽວບິນໄປ-ກັບໂດຍກົງແມ່ນບໍລິສັດການບິນລາວເປັນຜູ້ດຳເນີນງານ, ໂດຍຍົນໂດຍສານແອບັສ A320 ປະຕິບັດໜ້າທີ່ການບິນ, ທຸກວັນຈັນແລະວັນສຸກໜຶ່ງຖ້ຽວ, ການບິນໜຶ່ງຖ້ຽວຈະໃຊ້ເວລາປະມານ 2 ຊົ່ວໂມງກັບ 45 ນາທີ.