ກອງປະຊຸມໃຫຍ່ປະທານລັດຖະສະພາໂລກຄັ້ງທີ 4 ໄດ້ໄຂຂຶ້ນຢູ່ສຳນັກງານໃຫຍ່ທີ່ນະຄອນນິວຢອກຂອງອາເມລິກາໃນວັນທີ 31 ສິງຫາແລ້ວນີ້. ກອງປະຊຸມຈະສຸມໃສ່ການເພີ່ມທະວີການຮ່ວມມືແລະການແລກປ່ຽນລະຫວ່າງລັດຖະສະພາຂອງບັນດາປະເທດໃນໂລກ, ຮັບມືກັບສິ່ງທ້າທາຍຂອງໂລກໃນປັດຈຸບັນ, ຊຸກຍູ້ການປະຕິບັດວາລະການພັດທະນາແບບຍືນຍົງຫຼັງປີ 2015 ແລະບັນຫາອື່ນໆ.
ໃນພິທີໄຂກອງປະຊຸມ, ທ່ານຊາເບີ ຊາວດູຣີ, ປະທານສະຫະພັນລັດຖະສະພານານາຊາດກ່າວຄຳປາໄສໃນພິທີໄຂກອງປະຊຸມວ່າ: ຈຸດສຸມຂອງກອງປະຊຸມໃຫຍ່ຄັ້ງນີ້ແມ່ນວາລະການພັດທະນາແບບຍືນຍົງ. ໃນສະໄໝປັດຸຈຸບັນ, ທົ່ວໂລກໄດ້ປະເຊີນກັບສິ່ງທ້າທາຍທີ່ສັບສົນຕ່າງໆຕົວຢ່າງຄື: ຄວາມທຸກຍາກ, ການປະທະກັນ, ການປ່ຽນແປງຂອງດິນຟ້າອາກາດ, ໄພພິບັດແລະອື່ນໆ. ທ່ານຮຽກຮ້ອງໃຫ້ປະເທດຕ່າງໆໃນໂລກຈົ່ງພ້ອມກັນຮ່ວມມືເພື່ອສ້າງປະຫວັດສາດໃໝ່.
ກອງປະຊຸມໃຫຍ່ປະທານລັດຖະສະພາໂລກຄັ້ງທີ 4 ຈະສິ້ນສຸດລົງໃນວັນທີ 2 ກັນຍານີ້, ຜູ້ນຳລັດຖະສະພາຂອງ 140 ປະເທດໄດ້ເຂົ້າຮ່ວມກອງປະຊຸມ, ທ່ານຈ່າງເຕີຈ່ຽງ, ປະທານສະພາປະຊາຊົນແຫ່ງຊາດຈີນໄດ້ເຂົ້າຮ່ວມກອງປະຊຸມຕາມຄຳເຊີນ.