ວັນທີ 1 ກັນຍານີ້, "ງານວາງສະແດງລະນຶກວັນໄຊຊະນະຄົບຮອບ 70 ປີແຫ່ງສົງຄາມຕໍ່ຕ້ານຟາຊິດຍີ່ປຸ່ນຂອງປະຊາຊົນຈີນ"ເຊິ່ງອົງການປົກຄອງເຂດປົກຄອງພີເສດມາກາວ ແລະຫ້ອງການຕິດຕໍ່ພົວພັນຂອງລັດຖະບານສູນກາງຈີນປະຈໍາເຂດມາກາວຮ່ວມກັນເປັນເຈົ້າພາບຈັດຂຶ້ນນັ້ນ ໄດ້ໄຂຂຶ້ນຢູ່ຫໍວາງສະແດງຂອງຂວັນຊົມເຊີຍມາກາວກັບຄືນປະເທດ. ເຈົ້າໜ້າທີ່ອົງການປົກຄອງເຂດມາກາວ, ຜູ້ຕາງໜ້າສູນກາງຈີນປະຈໍາມາກາວ ແລະບຸກຄົນວົງການຕ່າງໆຂອງສັງຄົມຫຼາຍກວ່າ 100 ທ່ານ ໄດ້ເຂົ້າຮ່ວມພິທີໄຂງານວາງສະແດງດັ່ງກ່າວ.
ງານວາງສະແດງດັ່ງກ່າວຈະຈັດຂຶ້ນຈົນເຖິງວັນທີ 4 ຕຸລາໜ້ານີ້ ໂດຍວາງສະແດງຮູບພາບອັນລໍ້າຄ່າກ່ຽວກັບສົງຄາມຕໍ່ຕ້ານຟາຊິດຍີ່ປຸ່ນປະມານ 210 ຮູບ ແລະວັດຖຸຮູຮານອັນລໍ້າຄ່າເກືອບ 80 ເຄື່ອງ ເຊິ່ງໄດ້ສະແດງໃຫ້ເຫັນເຖິງປະຫວັດສາດຂອງສົງຄາມຕໍ່ຕ້ານຟາຊິດຍີ່ປຸ່ນຂອງປະຊາຊົນຈີນ, ຊີວິດອັນທຸກຍາກລໍາບາກຂອງຊາວມາກາວໃນໄລຍະສົງຄາມຕໍ່ຕ້ານຟາຊິດຍີ່ປຸ່ນ ພ້ອມດ້ວຍຊາວມາກາວຮ່ວມຈິດຮ່ວມໃຈກັນເພື່ອສະໜັບສະໜູນສົງຄາມຕໍ່ຕ້ານຟາຊິດຍີ່ປຸ່ນ ແລະສະພາບອື່ນໆທີ່ກ່ຽວຂ້ອງ. ງານວາງສະແດງໃນຄັ້ງນີ້ແບ່ງອອກເປັນ 2 ພາກສ່ວນ ຄື ພາກສ່ວນທີໜຶ່ງເປັນຕົ້ນແມ່ນສະແດງໃຫ້ເຫັນເຖິງສົງຄາມຕໍ່ຕ້ານຟາຊິດຍີ່ປຸ່ນຂອງປະຊາຊົນຈີນ; ພາກທີສອງແມ່ນສະແດງໃຫ້ເຫັນເຖິງຊັ້ນຄົນຕ່າງໆຂອງມາກາວຜູກຄວາມສາມັກຄີກັບກໍາລັງຮັກຊາດ ເພື່ອຕໍ່ຕ້ານຟາຊິດຍີ່ປຸ່ນ ແລະກູ້ຊາດ.