ຕາມຂ່າວCRI: ວັນທີ 9 ຫາວັນທີ 10 ຕຸລານີ້, ທ່ານຢາງແຈສື, ທີ່ປຶກສາແຫ່ງລັດຈີນໄດ້ເດີນທາງໄປຢ້ຽມຢາມອາຟຼີກາໃຕ້ແລະໄດ້ໃຫ້ສຳພາດຕໍ່ສື່ມວນຊົນທ້ອງຖິ່ນ.
ທ່ານຢາງແຈສືກ່າວວ່າ, ຈຸດປະສົງຕົ້ນຕໍ່ຂອງທ່ານໃນການເດີນທາງໄປຢ້ຽມຢາມ ແມ່ນເພື່ອຕິດຕໍ່ຢ່າງຮອບດ້ານກັບອາຟຣິກາໃຕ້ກ່ຽວກັບແນວຄວາມຄິດດ້ານວຽກງານການກະກຽມກອງປະຊຸມສຸດຍອດໂຢຮານເນສເບີກຂອງເວທີປຶກສາຫາລືການຮ່ວມມືຈີນ-ອາຟຼີກາໃຕ້ທີ່ຈະຈັດຂຶ້ນຢູ່ອາຟຼິກາໃຕ້ໃນເດືອນທັນວາໜ້ານີ້, ແລະຈະໄດ້ແລກປ່ຽນຢ່າງເລິກເຊິ່ງກ່ຽວກັບການກະກຽມແລະການອອກແບບຜົນສຳເລັດທີ່ກ່ຽວຂ້ອງໃນການເດີນທາງໄປຢ້ຽມຢາມອາຟຼິກາໃຕ້ຂອງທ່ານປະທານປະເທດສີຈິ້ນຜີງ, ຮ່ວມກັນເຮັດໃຫ້ຂໍ້ຕົກລົງທີ່ສຳຄັນທີ່ໄດ້ບັນລຸໂດຍປະມຸກລັດສອງປະເທດໃຫ້ປ່ຽນເປັນການກະທຳຕົວຈິງແລະແຜນການດຳເນີນງານ, ຮັບປະກັນໃຫ້ກອງປະຊຸມສຸດຍອດແລະການຢ້ຽມຢາມໄດ້ຮັບຜົນສຳເລັດ. ການທີ່ທ່ານປະທານປະເທດສີຈິ້ນຜີງຈະເດີນທາງໄປເຂົ້າຮ່ວມກອງປະຊຸມສຸດຍອດໂຢຮານເນສເບີກຂອງເວທີປຶກສາຫາລືການຮ່ວມມືຈີນ-ອາຟຼິກາໃຕ້ແລະຢ້ຽມຢາມອາຟຼິກາໃຕ້ໃນເດືອນທັນວາໜ້ານີ້, ຍ່ອມຈະສ້າງກຳລັງແຮງໃໝ່ຢ່າງແຂງແຮງເຂົ້າໃນສະຖານະການໃໝ່ດ້ານການພົວພັນມິດຕະພາບການຮ່ວມມືລະຫວ່າງຈີນກັບອາຟຼິກາໃຕ້.
ທ່ານຢາງແຈສືກ່າວຕື່ມວ່າ, ຈີນ-ອາຟຼິກາໃຕ້ຈະກຳໂອກາດສຳຄັນທີ່ທ່ານປະທານປະເທດສີຈິ້ນຜີງຈະເດີນທາງໄປຢ້ຽມຢາມນັ້ນໃຫ້ດີ, ເສີມຂະຫຍາຍທ່າແຮງສອງຢ່າງຄືມີຄວາມໄວ້ເນື້ອເຊື່ອໃຈດ້ານການເມືອງແລະຊ່ອຍຊູຍູ້ໜູນກັນດ້ານເສດຖະກິດລະຫວ່າງສອງປະເທດຢ່າງເຕັມທີ, ຊຸກຍູ້ການຮ່ວມມືຢ່າງມີຜົນປະໂຫຍດຮ່ວມກັນລະຫວ່າງສອງປະເທດ, ພັດທະນາຮ່ວມກັນ,
ສ້າງຄວາມສຸກໃຫ້ປະຊາຊົນສອງປະເທດຫຼາຍກວ່າເກົ່າ.
 |
