ວັນທີ 12 ຕຸລານີ້, ທ່ານຫົງທ່ຽນຢຸນ, ຮອງຫົວໜ້າຫ້ອງການຫຼຸດຜ່ອນຄວາມທຸກຍາກຂອງລັດຖະບານຈີນໄດ້ໃຫ້ຮູ້ໃນກອງປະຊຸມຂ່າວຂອງຫ້ອງການຖະແຫຼງຂ່າວວ່າ: ກ່ອນຫຼືຫຼັງວັນຫຼຸດຜ່ອນຄວາມທຸກຍາກຂອງປີນີ້, ຈີນຈະດຳເນີນການເຄື່ອນໄຫວຫຼຸດຜ່ອນຄວາມທຸກຍາກລາຍສະເພາະຫຼາຍໂຄງການ.
ໜຶ່ງແມ່ນດຳເນີນການເຄື່ອນໄຫວຫຼຸດຜ່ອນຄວາມທຸກຍາກດ້ວຍການສຶກສາ. ສອງແມ່ນດຳເນີນການເຄື່ອນໄຫວຫຼຸດຜ່ອນຄວາມທຸກຍາກດ້ານການເງິນ. ສາມແມ່ນດຳເນີນການເຄື່ອນໄຫວຫຼຸດຜ່ອນຄວາມທຸກຍາກດ້ວຍວິສາຫະກິດພາກເອກະຊົນ.
ນອກນີ້, ໃນໄລຍະວັນຫຼຸດຜ່ອນຄວາມທຸກຍາກ, ພາກສ່ວນທີ່ກ່ຽວຂ້ອງຍັງຈະສ້າງເວທີໃຫ້ບໍລິການດ້ານການຫຼຸດຜ່ອນຄວາມທຸກຍາກທາງສັງຄົມ, ກະກຽມຈະສ້າງຕັ້ງອົງການໃຫ້ບໍລິການດ້ານການຫຼຸດຜ່ອນຄວາມທຸກຍາກແບບອາສາສະໝັກ, ສະໜັບສະໜູນສະມາຄົມພັດທະນາຫຼຸດຜ່ອນຄວາມທຸກຍາກຂອງຈີນໃນການສ້າງຕັ້ງ "ກອງທຶນຫຼຸດຜ່ອນຄວາມທຸກຍາກ 17 ຕຸລາ" ແລະອື່ນໆ. ກະຊວງອຸດສາຫະກຳແລະຂໍ້ມູນຂ່າວສານຈີນຈະປະສານງານກັບວິສາຫະກິດໂທລະຄົມສົ່ງຂໍ້ຄວາມສັ້ນສາທາລະນະປະໂຫຍດກ່ຽວກັບວັນຫຼຸດຜ່ອນຄວາມທຸກຍາກ, ທາງສູນກາງຊາວໜຸ່ມກອມມູນິດ, ສະຫະພັນແມ່ຍິງທົ່ວປະເທດຂອງຈີນກໍ່ຈະຈັດຕັ້ງກິດຈະກຳຫຼຸດຜ່ອນຄວາມທຸກຍາກຕ່າງໆ.
 |
