ໃນວັນທີ 13 ຕຸລານີ້, ຄະນະສືບສວນປະສົມສາກົນທີ່ນໍາພາໂດຍຄະນະກໍາມະການຄວາມໝັ້ນຄົງໂຮນລັງ ຈະເຜີຍແຜ່ບົດລາຍງານສືບສວນສະບັບສຸດທ້າຍກ່ຽວກັບອຸບັດເຫດທີ່ເຮືອບິນໂດຍສານຖ້ຽວບິນ MH17 ຂອງບໍລິສັດການບິນມາເລເຊຍທີ່ຖືກຍິງຕົກຢູ່ທີ່ພາກຕາເວັນອອກຂອງອູແກຣນໃນວັນທີ 17 ກໍລະກົດປີ 2014.
ທ່ານວາຊີນ ໂວຟຄ໌, ອະດີດຫົວໜ້າເຈົ້າໜ້າທີ່ສືບສວນຂອງກົມຄວາມໝັ້ນຄົງອູແກຣນທີ່ເຄີຍເຂົ້າຮ່ວມການສືບສວນເຫດການດັ່ງກ່າວໄດ້ເຜີຍໃຫ້ຮູ້ວ່າ, ຢູ່ໃນສົບຂອງຜູ້ເສຍຊີວິດຈາກອຸບັດເຫດດັ່ງກ່າວເຄີຍພົບເຫັນຊິ້ນສ່ວນຂອງລູກສອນໄຟນໍາວິຖີ BUK ເຊິ່ງໄດ້ສ່ອງແສງໃຫ້ເຫັນວ່າ, ເຮືອນບິນໂດຍສານດັ່ງກ່າວແມ່ນຖືກລູກສອນໄຟນໍາວິຖີ BUK ຍິງຕົກ. ທ່ານໂວຟຄ໌ເຫັນວ່າ, ຣັດເຊຍ ແລະກຸ່ມປະກອບອາວຸດຝ່າຍຕໍ່ຕ້ານຢູ່ອູແກຣນຄວນຮັບຜິດຊອບຕໍ່"ເຫດການອັນໂຫດຫ້ຽມ"ດັ່ງກ່າວ, ແຕ່ກໍ່ມີຄວາມເປັນຫ່ວງວ່າວຽກງານສືບສວນທີ່ນໍາພາໂດຍໂຮນລັງນັ້ນ "ຈະເປີດເຜີຍເຫດການດັ່ງກ່າວໃຫ້ໝົດ"ຫຼືບໍ່.
ແຕ່ຄະນະກໍາມະການຄວາມໝັ້ນຄົງໂຮນລັງກ່າວຢໍ້າວ່າ, ບົດລາຍງານສະບັບດັ່ງກ່າວບໍ່ແມ່ນຫວັງຢາກສືບສວນໃຫ້ຈະແຈ້ງວ່າຄວາມຮັບຜິດຊອບແມ່ນຂຶ້ນກັບໃຜ, ບັນຫາທີ່ກ່ຽວຂ້ອງຕ້ອງຜ່ານການສືບສວນທັງອາດຍາແລ້ວຈຶ່ງຈະສາມາດຢືນຢັນໄດ້.
