ວັນທີ 12 ຕຸລານີ້, ທ່ານຫວາງຢີ້, ລັດຖະມົນຕີວ່າການກະຊວງການຕ່າງປະເທດຈີນໄດ້ພົບປະກັບທ່ານບູທາຍນາ ຊາອາບານ, ທີ່ປຶກສາດ້ານການເມືອງ ແລະຖະແຫຼງຂ່າວຂອງປະທານາທິບໍດີຊີຣີ. ທ່ານຊາອາບານໄດ້ສະເໜີສະຖານະການຂອງຊີຣີໃນປັດຈຸບັນ ແລະຫຼັກໝັ້ນຂອງລັດຖະບານຊີຣີຕໍ່ຝ່າຍຈີນ.
ທ່ານຫວາງຢີ້ກ່າວວ່າ, ພາຍໃຕ້ສະຖານະການໃນປັດຈຸບັນ, ຈຸດຢືນຂອງຝ່າຍຈີນກ່ຽວກັບບັນຫາຊີຣີລວມມີ 3 ຂໍ້ ຄື ໜຶ່ງ, ການຕໍ່ຕ້ານການກໍ່ການຮ້າຍຂອງບັນດາປະເທດຄວນຮ່ວມມືກັນ; ສອງ, ການແຂ້ໄຂດ້ວຍວິທີການເມືອງຄວນຟຶ້ນຟູໂດຍໄວ; ສາມ, ການຜ່ອນຄາຍວິກິດການດ້ານມະນຸດສະທໍາຄວນເປັນໜ້າທີ່ທີ່ຮີບດ່ວນທີ່ສຸດໃນປັດຈຸບັນ. ທ່ານຫວາງຢີ້ກ່າວຕື່ມວ່າ, ຢູ່ໃນການພົວພັນຕໍ່ຕ່າງປະເທດ, ຈີນໄດ້ມີຈຸດຢຶຶນໃຫ້ປະຕິບັດຕາມກົດພື້ນຖານແຫ່ງການພົວພັນສາກົນແລະຄັດຄ້ານການແຊກແຊງເຂົ້າໃນວຽກງານການເມືອງພາຍໃນປະເທດອື່ນມາໂດຍຕະຫຼອດ. ຝ່າຍຈີນສະໜັບສະໜູນຊີຣີໃນການປົກປ້ອງອະທິປະໄຕ, ຄວາມເປັນເອກະລາດ ແລະຜືນແຜ່ນດິນອັນເປັນຄົບຖ້ວນຂອງຕົນ ພ້ອມທັງສະໜັບສະໜູນຊີຣີໃນການຊອກຄົ້ນຫາເສັ້ນທາງພັດທະນາທີ່ສອດຄ່ອງກັບສະພາບຕົວຈິງຂອງປະເທດຕົນ.
ທ່ານຊາອາບານກ່າວວ່າ, ຝ່າຍຊີຣີສະໜັບສະໜູນທຸກຄວາມພະຍາຍາມທີ່ມີຜົນດີຕໍ່ການແກ້ໄຂບັນຫາດ້ານການເມືອງຂອງຊີຣີ, ຝ່າຍຊີຣີຂໍສະແດງຄວາມຊົມເຊີຍຕໍ່ຈຸດຢຶນຂອງຈີນໃນດ້ານບັນຫາຊີຣີ ແລະຍິນດີຕ້ອນຮັບຝ່າຍຈີນສືບຕໍ່ເສີມຂະຫຍາຍບົດບາດທີ່ຕັ້ງໜ້າ ແລະສໍາຄັນ.
