ງານວາງສະແດງປ່າໄມ້ຂອງງານວາງສະແດງຈີນ-ອາຊຽນປີ 2015 ຈະຈັດຂຶ້ນຢູ່ສູນວາງສະແດງສາກົນທີ່ເມືອງນານນິງ, ເຂດປົກຄອງຕົນເອງເຜົ່າຈ້ວງກວາງຊີຈີນເລີ່ມແຕ່ວັນທີ 19 ຫາວັນທີ 22 ພະຈິກໜ້ານີ້. ງານວາງສະແດງດັ່ງກ່າວລວມມີ 6 ເຂດວາງສະແດງ ເຊິ່ງຈະວາງສະແດງລັກສະນະຈຸນເຈືອກັນລະຫວ່າງຈີນກັບບັນດາປະເທດອາຊຽນໃນດ້ານຂະແໜງການປ່າໄມ້, ສິນຄ້າທີ່ມີຄຸນນະພາບດີ ແລະມີເອກະລັກພິເສດ, ໂຄງການດີເດັ່ນ ແລະເຕັກໂນໂລຊີທັນສະໄໝ ທີ່ສອດຄ່ອງກັບຄວາມຕ້ອງການຂອງຕະຫຼາດສອງຝ່າຍ.
ນອກນີ້, ໃນໄລຍະຈັດງານວາງສະແດງດັ່ງກ່າວ ຍັງຈະຈັດເວທີປຶກສາຫາລືການຄ້າສາກົນຜະລິດຕະພັນປ່າໄມ້ຈີນ (ນານນິງ) ຄັ້ງທີ 5, ກອງປະຊຸມການຮ່ວມມື ແລະພັດທະນາອຸດສາຫະກໍາແປ້ນໄມ້ອັດຈີນ-ອາຊຽນ, ເວທີປຶກສາຫາລືວັດທະນະທໍາໄມ້ຈີນ-ອາຊຽນ, ງານສັງສັນກ່ຽວກັບການຈັດຊື້, ງານສັງສັນກ່ຽວກັບໂຄງການ ແລະກິດຈະກໍາອື່ນອີກດ້ວຍ.
