ຫວ່າງມໍ່ໆມານີ້, ກອງປະຊຸມລັດຖະມົນຕີກະຊວງຄົມມະນາຄົມຄັ້ງທີ 9 ຂອງອົງການຮ່ວມມືເສດຖະກິດອາຊີປາຊີຟິກຫຼື APEC ໄດ້ສິ້ນສຸດລົງຢູ່ເຊບູຂອງຟີລິບປີນ, ກອງປະຊຸມໄດ້ຮັບຮອງແຜນການພັດທະນາຄົມມະນາຄົມທີ່ມີລັກສະນະກວມລວມ, ຮຽກຮ້ອງໃຫ້ຂົງເຂດຕ່າງໆໃນສັງຄົມລ້ວນແຕ່ມີລະບົບຄົມມະນາຄົມທີ່ປອດໄພແລະມີປະສິດທິພາບສູງ.
ໃນຖະແຫຼງການຮ່ວມ, ລັດຖະມົນຕີກະຊວງຄົມມະນາຄົມຕ່າງໆກ່າວວ່າ, ພັດທະນາຄົມມະນາຄົມທີ່ມີລັກສະນະກວມລວມມີຜົນດີຕໍ່ການພັດທະນາກຳລັງການຜະລິດແລະຊຸກຍູ້ເສດຖະກິດໃຫ້ເຕີບໂຕ. ແຜນການຄົມມະນາຄົມທີ່ມີລັກສະນະກວມລວມແມ່ນຟີລິບປີສະເໜີອອກ, ເພື່ອສ້າງພື້ນຖານໃຫ້ແກ່ການວາງກົນໄກຄົມມະນາຄົມທີ່ສົມເຫດສົມຜົນ; ກ່າວເນັ້ນຄວາມຕ້ອງການຂອງສ່ວນບຸກຄົນຕໍ່ຄົມມະນາຄົມ, ພ້ອມກັນນັ້ນ, ຄົມມະນາຄົມທີ່ມີລັກສະນະກວມລວມຍັງຈະສົ່ງເສີມຮູບການເດີນທາງແບບສີຂຽວແລະມີຕົ້ນທຶນຕ່ຳ, ຕົວຢ່າງວ່າຂີ່ລົດຖີບແລະການເດີນທາງດ້ວຍການຍ່າງ.