ຂໍ້ມູນຈາກກະຊວງການຄ້າຈີນແຈ້ງໃຫ້ຮູ້ວ່າ: ໃນ 9 ເດືອນປີນີ້, ຈີນໄດ້ສ້າງຕັ້ງວິສາຫະກິດລົງທຶນຈາກນັກທຸລະກິດຕ່າງປະເທດຈຳນວນ 18,980 ແຫ່ງ, ເພີ່ມຂຶ້ນ 10,1% ເມື່ອທຽບໃສ່ໄລຍະດຽວກັນຂອງປີກາຍນີ້; ຈຳນວນການລົງທຶນຈາກຕ່າງປະເທດທີ່ນຳໃຊ້ຕົວຈິງໄດ້ບັນລຸເຖິງຈຳນວນ 584 ຕື້ 740 ລ້ານຢວນ, ເພີ່ມຂຶ້ນ 9% ເມື່ອທຽບໃສ່ໄລຍະດຽວກັນຂອງປີກາຍນີ້.
ເຈົ້າໜ້າທີ່ພະແນກທຶນຕ່າງປະເທດຂອງກະຊວງການຄ້າຈີນໃຫ້ຮູ້ວ່າ: ການດຶງດູດເອົາການລົງທຶນຈາກຕ່າງປະເທດຂອງຂະແໜງການບໍລິການເຕັກນິກສູງແລະຂະແໜງການຜະລິດເຕັກນິກສູງຂອງຈີນໄດ້ສືບຕໍ່ຮັກສາທ່ວງທ່າຂະຫຍາຍ ຕົວ. ການນຳໃຊ້ການລົງທຶນຈາກຕ່າງປະເທດຕົວຈິງຢູ່ພາກຕາເວັນອອກ, ພາກກາງແລະພາກຕາເວັນຕົກຂອງຈີນລ້ວນແຕ່ມີການເພີ່ມຂຶ້ນ. ໃນ 9 ເດືອນປີນີ້, ຈຳນວນນຳໃຊ້ການລົງທຶນຈາກຕ່າງປະເທດຕົວຈິງຢູ່ພາກຕາເວັນອອກໄດ້ບັນລຸ 80 ຕື້ 530 ລ້ານໂດລາສະຫະລັດ, ເພີ່ມຂຶ້ນ 10,1% ເມື່ອທຽບໃສ່ໄລຍະດຽວກັນຂອງປີກາຍນີ້; ຈຳນວນນຳໃຊ້ການລົງທຶນຈາກຕ່າງປະເທດຕົວຈິງຢູ່ພາກກາງໄດ້ບັນລຸ 8 ຕື້ 620 ລ້ານໂດລາສະຫະລັດ, ເພີ່ມຂຶ້ນ 0,3% ເມື່ອທຽບໃສ່ໄລຍະດຽວກັນຂອງປີກາຍນີ້; ຈຳນວນນຳໃຊ້ການລົງທຶນຈາກຕ່າງປະເທດຕົວຈິງຢູ່ພາກຕາເວັນຕົກໄດ້ບັນລຸ 5 ຕື້ 750 ລ້ານໂດລາສະຫະລັດ, ເພີ່ມຂຶ້ນ 2,2% ເມື່ອທຽບໃສ່ໄລຍະດຽວກັນຂອງປີກາຍນີ້.