ຕອນເຊົ້າຂອງວັນທີ 24 ພະຈິກນີ້, ຢູ່ທີ່ໂຮງແຮມຕົ່ງຊ່ານ, ນະຄອນຊູ່ໂຈ່ວຂອງຈີນ, ທ່ານຫຼີເຄີ້ສຽງ, ນາຍົກລັດຖະມົນຕີຈີນໄດ້ພົບປະກັບທ່ານອັນເຈີຍ ດູດາ, ປະທານາທິບໍດີໂປໂລຍ ທີ່ເດີນທາງມາຈີນເພື່ອເຂົາຮ່ວມກອງປະຊຸມຜູ້ນໍາຈີນ-ປະເທດເອີຣົບກາງແລະເອີຣົບຕາເວັນອອກ ພ້ອມທັງຢ້ຽມຢາມຈີນທາງລັດຖະກິດ.
ທ່ານຫຼີເຄີ້ສຽງກ່າວເນັ້ນວ່າ, ໂປໂລຍເປັນປະເທດທີ່ສໍາຄັນຢູ່ໃນເອີຣົບກາງ ແລະເອີຣົບຕາເວັນອອກ. ຈີນຍິນດີຮ່ວມກັບໂປໂລຍ, ຊຸກຍູ້ການຮ່ວມມື"16+1"ໃຫ້ເຂັ້ມແຂງຂຶ້ນຕື່ມ, ກາຍເປັນຫົວຈັກທີ່ສໍາຄັນໃນການພົວພັນຈີນ-ເອີຣົບກາງ ແລະເອີຣົບຕາເວັນອອກ ກໍ່ຄືການພົວພັນຈີນ-ເອີຣົບ.
ທ່ານດູດາກ່າວວ່າ, ຮູ້ສຶກປິຕິຊົມຊື່ນເປັນຢ່າງຍິ່ງທີ່ໄດ້ເດີນທາງມາຈີນເປັນຄັ້ວທໍາອິດ, ພ້ອມທັງໄດ້ສະແດງຄວາມເຄົາລົບນັບຖືຕໍ່ໝາກຜົນການພັດທະນາຂອງເສດຖະກິດສັງຄົມຈີນ, ຫວັງວ່າໂປໂລຍ ຈົນຮອດເອີຣົບກາງແລະເອີຣົບຕາເວັນອອກຈະສາມາດໄດ້ຮັບຜົນປະໂຫຍດຈາກການພັດທະນາຂອງຈີນ. ໂປໂລຍຍິນດີສ້າງຄວາມສະດວກໃຫ້ແກ່ການລົງທຶນຂອງວິສາຫະກິດຂອງຈີນ. ເຊື່ອວ່າກອງປະຊຸມຜູ້ນໍາຈີນ-ປະເທດເອີຣົບກາງແລະເອີຣົບຕາເວັນອອກຈະຊຸກຍູ້ການພົວພັນສອງຝ່າຍໃຫ້ປະສົບຜົນສໍາເລັດຫຼາຍຂຶ້ນກວ່າເກົ່າ.