ວັນທີ 26 ພະຈິກນີ້, ທະນາຄານປະຊາຊົນຈີນໄດ້ປະກາດວ່າ: ທະນາຄານດັ່ງກ່າວກັບທະນາຄານກາງເອີຣົບໄດ້ດຳເນີນການທົດລອງການໃຊ້ຈ່າຍສະກຸນເງິນເອີໂຣແລະເງິນຢວນຈີນ 2 ຄັ້ງເຊິ່ງຕ່າງໄດ້ດຳເນີນໃນເດືອນເມສາແລະເດືອນພະຈິກຂອງປີນີ້, ເຊິ່ງເງິນເຫຼົ່ານີ້ໄດ້ສະໜອງໃຫ້ທະນາຄານທຸລະກິດບາງແຫ່ງຂອງຈີນແລະເຂດໃຊ້ເງິນເອີໂຣໃນທີ່ສຸດ.
ເຈົ້າໜ້າທີ່ທີ່ກ່ຽວຂ້ອງຂອງທະນາຄານປະຊາຊົນຈີນໃຫ້ຮູ້ວ່າ: ການທົດລອງສອງຄັ້ງຜ່ານມາລ້ວນແຕ່ໄດ້ສຳເລັດຕາມຂັ້ນຕອນຢ່າງສະດວກ, ແລະດຳເນີນໄປ, ໃນອະນາຄົດ, ສອງຝ່າຍຈະສາມາດດຳເນີນການແລກປ່ຽນສະກຸນເງິນຂອງຕົນຢ່າງທັນການຕາມຄວາມຕ້ອງການ.
ເຈ້າໜ້າທີ່ຜູ້ນີ້ກ່າວວ່າ: ການຈັດວາງການແລກປ່ຽນເງິນສະກຸນລະຫວ່າງສອງຝ່າຍຈະໃຫ້ການສະໜັບສະໜູນໃນດ້ານເງິນຄ່ອງແກ່ການພັດທະນາຕະຫຼາດເງິນຕາລະຫວ່າງສອງຝ່າຍຕື່ມອີກ, ມີຜົນດີຕໍ່ການຊຸກຍູ້ການຄ້າແລະການລົງທຶນໃຫ້ມີຄວາມສະດວກ, ເຊິ່ງເປັນຂີດໝາຍສະແດງໃຫ້ເຫັນວ່າການຮ່ວມມືທີ່ຕິດແທດກັບຕົວຈິງລະຫວ່າງທະນາຄານປະຊາຊົນຈີນກັບທະນາຄານກາງເອີຣົບໃນຂົງເຂດເງິນຕາແລະການທະນາຄານນັ້ນໄດ້ຮັບຄວາມຄືບໜ້າໃໝ່.