ວັນທີ 26 ພະຈິກນີ້, ທ່ານແດວິດ ກາເມຣອນ, ນາຍົກລັດຖະມົນຕີອັງກິດໄດ້ເຕືອນໃຫ້ສະມາຊິກລັດຖະສະພາອັງກິດຈົ່ງສະໜັບສະໜູນການຂະຫຍາຍຂອບເຂດການໂຈມຕີຕໍ່ກຸ່ມ IS ຈົນໄປເຖິງຊາຍແດນຂອງຊີຣີ ພ້ອມທັງຊີ້ແຈງຍຸດທະສາດລວມຂອງລັດຖະບານອັງກິດກ່ຽວກັບການແກ້ໄຂສະພາບຄວາມວຸ້ນວາຍຂອງຊີຣີ.
ແຕ່ທ່ານເຈເຣມີ ໂຄບີນ, ຜູ້ນໍາຂອງພັກກໍາມະກອນ ເຊິ່ງເປັນພັກຝ່າຍຄ້ານໃຫຍ່ທີ່ສຸດຂອງອັງກິດ ໄດ້ຕອບໂຕ້ຖ້ອຍຄວາມຂໍ້ສະເໜີດັ່ງກ່າວ. ພ້ອມກັນນັ້ນ, ກໍ່ມີສະມາຊິກລັດຖະສະພາຈໍານວນໜຶ່ງຂອງພັກກໍາມະກອນອັງກິດໄດ້ສະແດງການສະໜັບສະໜູນຕໍ່ອັງກິດເປີດກວ້າງຂອບເຂດການຫຼອນໂຈມຕີຕໍ່ກຸ່ມ IS . ໃນວັນທີ 26 ພະຈິກນິ້, ທ່ານໂຕນີ ເບຣ, ອະດີດນາຍົກລັດຖະມົນຕີອັງກິດກໍ່ໄດ້ສະແດງຄວາມເຫັນດີຕໍ່ຂໍ້ສະເໜີຂອງທ່ານຄາເມຣອນ ໂດຍເຫັນວ່າອັງກິດຄວນດໍາເນີນການເຄື່ອນໄຫວຢ່າງເຂັ້ມແຂງຕໍ່ສໍານັກງານໃຫຍ່ຂອງກຸ່ມ IS ທີ່ຢູ່ໃນຊີຣີ ພ້ອມທັງຊີ້ອອກວ່າ, ກຸ່ມ IS ເປັນສິ່ງທ້າທາຍດ້ານຄວາມໝັ້ນຄົງໃຫຍ່ທີ່ສຸດໃນສະຕະວັດທີ 21.