ວັນທີ 27 ພະຈິກນີ້, ສ.ເກົາຫຼີກັບສປປ ເກົາຫຼີໄດ້ຮ່ວມກັນອອກປະກາດແຈ້ງຂ່າວວ່າ, ສອງຝ່າຍໄດ້ຕົກລົງກັນຈະຈັດກອງປະຊຸມລະດັບລັດຖະມົນຕີຊ່ວຍວ່າການລະຫວ່າງລັດຖະບານສ.ເກົາຫຼີກັບສປປ ເກົາຫຼີ ຢູ່ທີ່ເຂດນິຄົມອຸດສາຫະກໍາແກຊົງຂອງສປປ ເກົາຫຼີໃນວັນທີ 11 ທັນວາໜ້ານີ້ ເພື່ອດໍາເນີນການປຶກສາຫາລືກ່ຽວກັບການພົວພັນສອງເກົາຫຼີໃນປັດຈຸບັນ.
ກະຊວງເອກະພາບຂອງສ.ເກົາຫຼີກ່າວວ່າ, ສອງຝ່າຍໄດ້ຕົກລົງກັນແລ້ວວ່າ, ຈໍານວນສະມາຊິກຄະນະຜູ້ແທນແມ່ນຕົກລົງໂດຍຕົນເອງໂດຍອີງຕາມສະພາບຂອງຕົນ, ຫົວຂໍ້ຫຼັກຂອງກອງປະຊຸມໃນຄັ້ງນີ້ແມ່ນ"ບັນຫາກ່ຽວກັບການປັບປຸງການພົວພັນສ.ເກົາຫຼີ-ສປປ ເກົາຫຼີ", ສອງຝ່າຍຍັງໄດ້ຕົກລົງສືບຕໍ່ປຶກສາຫາລືວຽກງານລະອຽດກ່ຽວກັບກອງປະຊຸມລະຫວ່າງລັດຖະບານສ.ເກົາຫຼີກັບສປປ ເກົາຫຼີ ໂດຍຜ່ານຊ່ອງທາງປານມູນຈອມ. ມື້ດຽວກັນ, ສໍານັກຂ່າວສານສູນກາງສປປ ເກົາຫຼີກໍ່ໄດ້ລາຍງານຂ່າວກ່ຽວກັບສອງຝ່າຍຈະຈັດກອງປະຊຸມລະຫວ່າງລັດຖະບານເຊັ່ນກັນ.
