ໃນຫວ່າງບໍ່ດົນມານີ້, ທ່ານນາງແຣເຊວ ແຄທ໌, ຮອງຜູ້ວ່າການ ພ້ອມທັງເປັນທູດພິເສດດ້ານການປ່ຽນແປງຂອງດິນຟ້າອາກາດຂອງທະນາຄານໂລກ ໄດ້ໃຫ້ສໍາພາດຕໍ່ນັກຂ່າວວ່າ, ມີແຕ່ກອງປະຊຸມໃຫຍ່ການປ່ຽນແປງຂອງດິນຟ້າອາກາດທີ່ປາຣີບັນລຸສັນຍາວ່າດ້ວຍດິນຟ້າອາກາດສະບັບໜຶ່ງທີ່ເຂັ້ມແຂງເທົ່ານັ້ນ, ຈຶ່ງຈະສາມາດບັນລຸການພັດທະນາແບບກາກບອນຕໍ່າ, ປ້ອງກັນບໍ່ໃຫ້ຜົນກະທົບຈາກການປ່ຽນແປງຂອງດິນຟ້າອາກາດຮ້າຍແຮງຂຶ້ນຕື່ມ.
ທ່ານນາງແຄທ໌ກ່າວວ່າ, ປັດຈຸບັນ, ປະຊາຄົມໂລກມີທ່າແຮງທີ່ບໍ່ເຄີຍມີມາກ່ອນໃນດ້ານການຮັບມືກັບການປ່ຽນແປງຂອງດິນຟ້າອາກາດ ເຊັ່ນການຮ່ວມມືລະຫວ່າງລັດຖະບານ, ອົງການເອກະຊົນ ກັບອົງການຈັດຕັ້ງທາງສັງຄົມ, ຄວາມຮັບຮູ້ທີ່ເປັນເອກະສັນກັນ ແລະມາດຕະການເສດຖະກິດແບບມີວິທະຍາສາດ, ທັງໝົດເຫຼົ່ານີ້ສາມາດຊ່ວຍເຫຼືອພວກເຮົາບັນລຸການພັດທະນາແບບກາກບອນຕໍ່າ ແລະຍົກສູງຄວາມສາມາດດ້ານການປັບຕົວເຂົ້າກັບການປ່ຽນແປງຂອງດິນຟ້າອາກາດ. ທ່ານນາງແຄທ໌ກ່າວຕື່ມອີກວ່າ, ປັດໄຈທີ່ຕັ້ງໜ້າດັ່ງກ່າວແມ່່ນຕ້ອງອີງໃສ່ການເຂົ້າຮ່ວມ ແລະການສະໜັບສະໜູນຢ່າງຕັ້ງໜ້າຂອງຈີນ. ຈີນໄດ້ມີຄວາມຮັບຮູ້ຢ່າງຈະແຈ້ງຕໍ່ສິ່ງທ້າທາຍທີ່ພວກເຮົາກໍາລັງປະເຊີນໜ້າຮ່ວມກັນ ພ້ອມທັງຈະທໍາຄວາມພະຍາຍາມເພື່ອຮັບມືກັບການປ່ຽນແປງຂອງດິນຟ້າອາກາດ.