ກອງປະຊຸມສໍາມະນາສາທາລະນະສຸກແລະວຽກງານປ້ອງກັນແລະຄວບຄຸມພະຍາດຕິດແປດໄດ້ຈັດຂຶ້ນຢູ່ທີ່ນະຄອນຫຼວງປັກກິ່ງໃນວັນທີ26ພະຈິກນີ້. ທ່ານຫຼີເຄີ້ສຽງ,ກໍາມະການປະຈໍາກົມການເມືອງສູນກາງພັກກອມມູນິດ,ນາຍົກລັດຖະມົນຕີຈີນໄດ້ໃຫ້ຄໍາຊີ້ແຈງາທີ່ສໍາຄັນ,ໂດຍຊີ້ອອກວ່າ:ສາທາລະນະສຸກແລະວຽກງານປ້ອງກັນຄວບຄຸມພະຍາດຕິດແປດກ່ຽວພັນເຖິງສຸຂະພາບແລະຄວາມປອດໄພດ້ານຊີວິດຂອງປະຊາຊົນ. ໃນຫຼາຍປີມໍ່ໆມານີ້,ວຽກງາມປິ່ນປົວແລະປ້ອງກັນພະຍາດຮ້າຍແຮງ,ການຮັບມືກັບເຫດການສຸກເສີນດ້ານສາທາລະນະສຸກແລະອື່ນໆໄດ້ຮັບຜົນສໍາເລັດຢ່າງພົ້ນເດັ່ນ,ໂດຍສະເພາະແມ່ນວຽກງານຕໍ່ຕ້ານພະຍາດອີໂປລາໄດ້ບັນລຸເປົ້າໝາຍ "ບໍ່ມີການແຜ່ລະບາດເຂົ້າຈີນ"ແລະ ການຊ່ວຍເຫຼືອປິ່ນປົວພະຍາດນີ້ຢູ່ອາຟີຼກາກໍ່ໄດ້ບັນລຸ"ພະນັກງານແພດບໍ່ມີຜູ້ໃດຕິດແປດພະຍາດອີໂປລາ".
ປະຈຸບັນ, ປະເທດຈີນຍັງປະເຊີນກັບໜ້າທີ່ອັນໜັກໜ່ວງໃນການສ້າງລະບຽບການບໍລິການສາທາລະນະສຸກແລະການປ້ອງກັນແລະປິ່ນປົວພະຍາດຕິດແປດ,ສະນັ້ນ,ຄວນຍຶດໝັ້ນຖືຜົນປະໂຫຍດຂອງປະຊາຊົນເປັນຫຼັກ, ຍຶດໝັ້ນຖືການປ້ອງກັນເປັນຕົ້ນຕໍ,ເອົາການປ້ອງກັນສົມທົບກັບການປິ່ນປົວ,ປະຕິບັດຕາມກົດໝາຍແລະຖືກກັບຫຼັກວິທະຍາສາດ,ມີຄວາມຮັບຜິດຊອບຢ່າງສູງເພື່ອເຮັດໜ້າທີ່ວຽກງານດັ່ງກ່າວໃຫ້ດີຢ່າງບໍ່ຢຸດຢັ້ງ.ຄວນສະຫຼຸບບົດຮຽນຢ່າງເລິກເຊິ່ງ,ປັບປຸງກົນໄກວຽກງານປ້ອງກັນແລະຄວບຄຸມຮ່ວມກັນໃຫ້ສົມບູນ,ປະດິດສ້າງວິທີດໍາເນີນງານອັນໃໝ່,ເພີ່ມງົບປະມານໃຫ້ຫຼາຍຂຶ້ນ, ສ້າງພາກສ່ວນທີ່ອ່ອນແອໃຫ້ເຂັ້ມແຂງ,ຍົກສູງລະດັບບໍລິການສາທາລະນະສຸກພື້ນຖານ, ຄວນໃຫ້ວຽກງານປ້ອງກັນແລະປິ່ນປົວພະຍາດຕິດແປດຂອງກຸ່ມຄົນພິເສດຢູ່ເຂດຈຸດສຸມແລະວຽກງານປ້ອງກັນພະຍາດຮ້າຍແຮງໃຫ້ດໍາເນີນໄປພ້ອມກັນ, ຮັບປະກັນສຸຂະພາບຂອງປະຊາຊົນຢ່າງສຸດຄວາມສາມາດ, ປະກອບສ່ວນອັນໃໝ່ເຂົ້າໃນການສ້າງເປັນສັງຄົມອິ່ມໜໍາສໍາລານຢ່າງຮອບດ້ານ.