ກອງທຶນເດັກນ້ອຍຂອງອົງການສະຫະປະຊາຊາດຫຼື UNICEF ລາຍງານໃນວັນທີ27ພະຈິກນີ້ວ່າ,ຈໍານວນຊາວໜຸ່ມເຍົາວະຊົນທີ່ເສຍຊີວິດຍ້ອນພະຍາດເອດ໌ໃນປະຈຸບັນນີ້ແມ່ນ3ເທົ່າເມື່ອ15ປີກ່ອນ,ປະຊາຄົມໂລກຄວນທໍາຄວາມພະຍາຍາມໃນທັນທີເພື່ອກອບກູ້ແລະປິ່ນປົວເດັກນ້ອຍແລະຊາວໜຸ່ມເຍົາວະຊົນທີ່ພິດເຊື້ອພະຍາດເອດ໌.
ບົດລາຍງານຫຼ້າສຸດກ່ຽວກັບເດັກນ້ອຍ,ຊາວໜຸ່ມເຍົາວະຊົນແລະພະຍາດເອດ໌ທີ່ຢູນິເຊັຟປະກາດໃນມື້ດຽວກັນສະແດງໃຫ້ເຫັນວ່າ, ພະຍາດເອດ໌ໄດ້ກາຍເປັນສາເຫດອັນດັບທີ1ທີ່ເຮັດໃຫ້ຊາວໜຸ່ມເຍົາວະຊົນອາຟຼີກາເສຍຊີວິດ, ແລະແມ່ນສາເຫດອັນດັບທີ2ທີ່ເຮັດໃຫ້ຊາວໜຸ່ມເຍົາວະຊົນທົ່ວໂລກເສຍຊີວິດ. ໃນຫຼາຍປີມໍ່ໆມານີ້,ກຸ່ມຄົນຕ່າງໆທີ່ຕິດເຊື້ອພະຍາດເອດ໌ສ່ວນໃຫຍ່ມີຜູ້ເສຍຊີວິດຫຼຸດໜ້ອງລົງ, ແຕ່ຊາວໜຸ່ມເຍົາວະຊົນພັດແມ່ນກຸ່ມຄົນພຽງດຽວທີ່ອັດຕາເສຍຊີວິດໄດ້ເພີ່ມຂຶ້ນ.
ບົດລາຍງານຂຽນວ່າ, ຊາວໜຸ່ມເຍົາວະຊົນທີ່ເສຍຊີວິດຍ້ອນພະຍາດເອດ໌ສ່ວນຫຼາຍແມ່ນຕິດເຊື້ອພະຍາດເອດ໌ມາແຕ່ເກີດ,ກໍ່ຄືເມື່ອ10ຫາ15ປີກ່ອນ.
ອົງການຢູນິເຊັຟກ່າວວ່າ, ປີ2014,ແມ່ມານທີ່ຕິດເຊື້ອພະຍາດເອດ໌ນັ້ນມີ60%ໄດ້ຮັບການປິ່ນປົວທີ່ສະກັດກັ້ນບໍ່ໃຫ້ເຊື້ອພະຍາດແຜ່ລະບາດຫຼືHAART,ເພື່ອປ້ອງກັນບໍ່ໃຫ້ເຊື້ອພະຍາດຕິດແປດໄປສູ່ເດັກ,ເຮັດແນວນີ້ສາມາດເຮັດໃຫ້ຈໍານວນເດັກນ້ອຍທີ່ເສຍຊີວິດຍ້ອນພະຍາດເອດ໌ຫຼຸດໜ້ອຍລົງຢ່າງບັງເກີດຜົນ. ພ້ອມກັນນັ້ນ, ອົງການຢູນິເຊັຟຍັງຊີ້ອອກວ່າ,ໃນເວລາທີ່ພູມ
ໃຈນໍາຜົນສໍາເລັດດັ່ງກ່າວ, ປະຊາຄົມໂລກຍັງຄວນທໍາຄວາມພະຍາຍາມສ້າງຊ່ອງທາງຫຼາຍກວ່າເກົ່າເພື່ອປິ່ນປົວ,ຮັກສາແລະສະໜັບສະໜູນຊາວໜຸ່ມເຍົາວະຊົນຜູ້ຕິດເຊື້ອພະຍາດ, ແລະເຮັດໃຫ້ໄວໜຸ່ມມີຄວາມຮູ້ໃນການປ້ອງກັນພະຍາດເອດ໌ຫຼາຍກວ່າເກົ່າອີກດ້ວຍ.