ວັນທີ27ພະຈິກນີ້, ທ່ານບານກີມູນ,ເລຂາທິການໃຫຍ່ອົງການສະຫະປະຊາຊາດໄດ້ຮຽກຮ້ອງໃຫ້ບັນດາປະເທດທີ່ເຂົ້າຮ່ວມກອງປະຊຸມສຸດຍອດຈັກກະພົບອັງກິດຢູ່ທີ່ປະເທດມານຕາຈົ່ງດໍາເນີນການເຄື່ອນໄຫວໂດຍດ່ວນ,ເພື່ອຮັບມືກັບບັນຫາການປ່ຽນແປງຂອງດິນຟ້າອາກາດທີ່ນັບມື້ນັບຂ້ຽວຂາດ.
ທ່ານບານກີມູນໄດ້ກ່າວໃນກອງປະຊຸມຂ່າວທີ່ຈັດຂຶ້ນຢູ່ນະຄອນເມລີຮາຂອງມານຕາວ່າ, ກອງປະຊຸມຄັ້ງທີ21ຂອງປະເທດທີ່ໄດ້ເຊັນ "ສົນທິສັນຍາຂອບການປ່ຽນແປງຂອງດິນຟ້າອາກາດຂອງອົງການສະຫະປະຊາຊາດ"ກໍ່ຄື່:ກອງປະຊຸມການປ່ຽນແປງຂອງດິນຟ້າອາກາດປາຣີຈະໄຂຂຶ້ນຢູ່ນະຄອນຫຼວງປາຣີແຕ່ວັນທີ30ພະຈິກນີ້ຫາວັນທີ11ທັນວາ,ຫວັງວ່າຝ່າຍຕ່າງໆສາມາດກ້າວເຖິງຂັ້ນເຊັນສັນຍາທີ່ບັງເກີດຜົນແລະມີຄວາມຕັດສິນໃຈ.
ທ່ານບານກີມູນໄດ້ກ່າວເຖິງ "ຖະແຫຼງການຮ່ວມກ່ຽວກັບການປ່ຽນແປງຂອງດິນຟ້າອາກາດລະຫວ່າງປະມຸກລັດຈີນ—ຝະຣັ່ງ"ທີ່ທ່ານສີຈີ້ນຜີງ,ປະທານປະເທດຈີນແລະທ່ານເຟຼນໂຄຊິສ ໂຮແລນເດີ,ປະທານາທິບໍດີຝະຣັ່ງຮ່ວມກັນປະກາດຢູ່ທີ່ນະຄອນຫຼວງປັກກິ່ງໃນວັນທີ2ພະຈິນີ້.ທ່ານຊີ້ອອກວ່າ,ຈີນແລະຝະຣັ່ງໄດ້ໃຫ້ຄໍາໝັ້ນສັນຍາໃນຖະແຫຼງການວ່າ, ສະໜັບສະໜູນການສະຫຼຸບຄວາມຄືບໜ້າໂດຍລວມຂອງເປົ້າໝາຍໄລຍະຍາວທີ່ສອງຝ່າຍຕົກລົງກັນຢ່າງຮອບດ້ານໃນແຕ່ລະ5ປີ,ເຊິ່ງໄດ້ຮັບຄວາມເຫັນດີຈາກປະເທດສະມາຊິກອົງການສະຫະປະຊາຊາດສ່ວນໃຫຍ່.
