ຕາມຂ່າວ cri: ງານມ່ວນຊື່ນມິດຕະພາບຈີນ-ຫວຽດນາມ 2016 ໃນຫົວຂໍ້ "ຕ້ອນຮັບບຸນປີໃໝ່ຈີນປີວອກ" ໄດ້ຈັດຂຶ້ນຢູ່ນະຄອນຫຼວງຮ່າໂນຍຂອງຫວຽດນາມໃນຕອນຄ່ຳວັນທີ 2 ກຸມພານີ້. ເຊິ່ງ ສະຖານທູດຈີນປະຈຳຫວຽດນາ ແລະສະມາຄົມມິດຕະພາບຫວຽດນາມ-ຈີນເປັນເຈົ້າພາບຈັດຂຶ້ນ. ທ່ານຫົງສ້ຽວຢົງ ເອກອັກຄະລັດຖະທູດຈີນປະຈຳຫວຽດນາມ, ທ່ານຫງວຽນຊວນທັງ ກຳມະການສູນກາງພັກກອມມູນິດຫວຽດນາມ ປະທານສະມາຄົມມິດຕະພາບຫວຽດນາມ-ຈີນພ້ອມ ເຈົ້າໜ້າທີ່ທັງສອງປະເທດ, ບຸກຄົນ ໃນວົງການຕ່າງໆ ຜູ້ຕາງໜ້າວິສາຫະກິດຈີນ ແລະນັກສຶກສາຈີນທີ່ສຶກສາຢູ່ຫວຽດນາມໄດ້ເຂົ້າຮ່ວມກິດຈະກຳດັ່ງກ່າວ.
ໃນງານມ່ວນຊື່ນດັ່ງກ່າວ, ຄະນະສິລະປະຂອງສອງປະເທດຈີນແລະຫວຽດນາມເຊັ່ນ: ສະຖາບັນສິລະປະກຳກວາງຊີ, ສະຖາບັນດົນຕີຫວຽດນາມ, ຄະນະງິ້ວຕວງຫວຽດນາມໄດ້ສະແດງລາຍການທີ່ໂດດເດັ່ນທີ່ເຕັມໄປດ້ວຍສີສັນວັດທະນະທຳຊົນເຜົ່າຂອງສອງປະເທດ.
