ຫວ່າງກ່ອນນີ້ບໍ່ດົນ, ມີສື່ມວນຊົນບາງແຫ່ງລາຍງານວ່າ:ຄະນະກຳມາທິການສະຫະພາບເອີຣົບຮຽກຮ້ອງໃຫ້ລັດຖະບານຈີນໃຊ້ມາດຕະການເພື່ອຫຼຸດຄວາມສາມາດການຜະລິດເຫຼັກກ້າ. ວັນທີ 6 ກຸມພານີ້, ໂຄສົກກະຊວງການຄ້າຈີນໄດ້ກ່າວຄຳຕອບກ່ຽວກັບເລື່ອງນີ້.
ໂຄສົກຜູ້ນີ້ກ່າວວ່າ: ລັດຖະບານຈີນເອົາໃຈໃສ່ໃນລະດັບສູງຕໍ່ການແກ້ໄຂບັນຫາການຜະລິດເຫຼັກກ້າຫຼາຍເກີນໄປ, ໃນ"ຄວາມເຫັນກ່ຽວກັບການເຮັດໃຫ້ຂະແໜງການເຫຼັກກ້າແກ້ໄຂບັນຫາການຜະລິດເຫຼັກກ້າຫຼາຍເກີນໄປແລະຫຼຸດພົ້ນອອກຈາກຄວາມຫຍຸ້ງຍາກພ້ອມທັງບັນລຸການພັດທະນາ"ທີ່ລັດຖະບານຈີນໄດ້ພິມແຈກຢາຍໃນຫວ່າງກ່ອນນີ້ບໍ່ດົນ, ໄດ້ສະເໜີຢ່າງຈະແຈ້ງວ່າ ຫ້າມບໍ່ໃຫ້ຂະແໜງການເຫຼັກກ້າເພີ່ມຄວາມສາມາດການຜະລິດອີກ, ໂດຍໃຫ້ຄຳໝັ້ນສັນຍາວ່າ ນັບແຕ່ປີ 2016 ເປັນຕົ້ນໄປ, ໃຊ້ເວລາ 5 ປີ ຫຼຸດຄວາມສາມາດການຜະລິດເຫຼັກກ້າບໍ່ສຳເລັດຮູບອີກ 100 ລ້ານຫາ 150 ລ້ານໂຕນ, ນີ້ໄດ້ສະແດງໃຫ້ເຫັນຄວາມຕັດສິນໃຈຂອງລັດຖະບານຈີນຢ່າງເຕັມທີ່.
ໂຄສົກຜູ້ນີ້ຍັງຊີ້ອອກວ່າ: ຄວາມສາມາດການຜະລິດສູງເກີນໄປແມ່ນບັນຫາທີ່ຂະແໜງການເຫຼັກກ້າທົ່ວໂລກປະເຊີນໜ້າຮ່ວມກັນໃນປະຈຸບັນນີ້, ລັດຖະບານຈີນຍິນດີແລກປ່ຽນຄວາມເຫັນດ້ວຍຄວາມຈິງໃຈກັບປະເທດສະມາຊິກຕ່າງໆຂອງອົງການການຄ້າໂລກຫຼື WTO ,ທຳຄວາມພະຍາຍາມຢ່າງຕັ້ງໜ້າເພື່ອສ້າງສະພາບແວດລ້ອມຕະຫຼາດສາກົນທີ່ດີງາມ.
 |
