ແນໃສ່ການທ້າທາຍເກາະຜິດດ້ານຍຸດທະສາດທີ່ ສປປ ເກົາຫຼີທົດລອງນິວເຄຼຍຄັ້ງທີ4ແລະຍິງລູກສອນໄຟນໍາວິຖີໄລຍະໄກໃນວັນທີ7ກຸມພານີ້,ສອງປະເທດສ.ເກົາຫຼີແລະອາເມລິກາໄດ້ຕົກລົງເລີ່ມປຶກສາຫາລືກ່ຽວກັບຈັດວາງລະບົບປ້ອງກັນແລະຕໍ່ຕ້ານອາກາດຫຼືລະບົບTHAADຢູ່ຖານທັບອາເມລິກາປະຈໍາສ.ເກົາຫຼີ.
ຕໍ່ກັບເລື່ອງນີ້,ທ່ານນາງຮວ້າຊຸນຢີງ ໂຄສົກກະຊວງການຕ່າງປະເທດຈີນກ່າວວ່າ:ຫຼັກໝັ້ນຂອງຈີນໃນບັນຫາຕໍ່ຕ້ານລູກສອນໄຟນໍາວິທີແມ່ນສະເໝີຕົ້ນສະເໝີປາຍແລະມີຄວາມຄັກແນ່,ປະເທດໃດໜຶ່ງໃນຂະນະທີ່ປ້ອງກັນຄວາມປອດໄພຂອງຕົນ,ກໍ່ບໍ່ຄວນທໍາລາຍຜົນປະໂຫຍດດ້ານປອດໄພຂອງປະເທດອື່ນໆ. ຖ້າວ່າປະເທດທີ່ກ່ຽວຂ້ອງຈັດວາງລະບົບຕ້ານລູກສອນໄຟນໍາວິຖີໃນພາກພື້ນ,ກໍຈະເຮັດໃຫ້ສະຖານະການແຫຼມເກົາຫຼີເຄັ່ງຕຶງຕື່ມອີກ,ບໍ່ມີຜົນດີຕໍ່ການຮັກສາສັນຕິພາບແລະສະເຖຍລະພາບຂອງພາກພື້ນ,ກໍບໍ່ມີຜົນດີຕໍ່ຝ່າຍຕ່າງໆຮັບມືກັບສະຖານະການໃນປະຈບັນຢ່າງຖືກຕ້ອງແລະເໝາະສົມ.ພວກຂ້າພະເຈົ້າຮຽກຮ້ອງໃຫ້ປະເທດທີ່ກ່ຽວຂ້ອງຈົ່ງແກ້ໄຂບັນຫານີ້ຢ່າງສຸຂຸມຮອບຄອບ.