ຄຽງຄູ່ກັບຮີດຄອງປະເພນີສະຫຼອງບຸນກຸດຈີນເກີດມີການປ່ຽນແປງ, ມີຄົນນັບມື້ນັບຫຼາຍໄປທ່ຽວຢູ່ຕ່າງປະເທດໃນຍາມບຸນ, ໃນຖານະທີ່ເປັນປະເທດໃກ້ຄຽງຂອງຈີນ, ໄທໄດ້ຮັບຄວາມນິຍົມຊົມຊອບຫຼາຍຈາກປະຊາຄົນຈີນ. ສຳນັກງານກົມການທ່ອງທ່ຽວແຫ່ງຊາດໄທປະຈຳນະຄອນຄຸ່ນມີງກ່າວວ່າ, ຄາດວ່າໃນຍາມບຸນກຸດຈີນປີນີ້, ຈະມີຄົນຈີນປະມານ 3 ແສນຄົນໄປທ່ຽວໄທ.
ຜູ້ຮັບຜິດຊອບສຳນັກງານກົມການທ່ອງທ່ຽວແຫ່ງຊາດໄທປະຈຳຄຸ່ນມີງໃຫ້ຮູ້ວ່າ, ໃນຍາມບຸນກຸດຈີນປີນີ້, ຈຳນວນນັກທ່ອງທ່ຽວຈີນຈະເພີ່ມຂຶ້ນ 10% ຫາ 13%. "ປັດຈຸບັນ, ບໍ່ວ່າເໝົາຍົນ, ຫຼືຂີ່ເຮືອໄປໂດຍເອງ ຄົນກໍ່ຫຼາຍໂພດ, ປີ້ຍົນຊື້ຍາກຫຼາຍ." ນະຄອນຮາງໂຈ່ວ ແລະ ກວາງໂຈ່ວເປັນຕົ້ນຕ່າງກໍ່ໄດ້ເພີ່ມຖ້ຽວບິນໄປໄທ, ຢູ່ທົ່ວປະເທດຈີນ,ສະເພາະແຕ່ຖ້ຽວບິນທີ່ໄປຊຽງໃໝ່ຂອງໄທກໍ່ໄດ້ເພີ່ມຂຶ້ນ 70 ຖ້ຽວບິນ.