ວັນທີ 7 ກຸມພານີ້, ຫ້ອງການວຽກງານໄຕ້ຫວັນຂອງຄະນະລັດຖະບານຈີນໃຫ້ຮູ້ວ່າ, ມື້ດຽວກັນ, ຫ້ອງການວຽກງານໄຕ້ຫວັນຂອງຄະນະລັດຖະບານຈີນ ແລະ ສະມາຄົມການພົວພັນສອງຝັ່ງຊ່ອງແຄບໄຕ້ຫວັນຂອງຈີນຕ່າງໄດ້ສືບຕໍ່ຕິດຕໍ່ພົວພັນ ແລະ ແລກປ່ຽນຄວາມເຫັນກັບຄະນະກຳມະການວຽກງານແຜ່ນດິນໃຫຍ່ຈີນຂອງໄຕ້ຫວັນ ແລະ ກອງທຶນສອງຝັ່ງຊ່ອງແຄບໄຕ້ຫວັນຂອງໄຕ້ຫວັນກ່ຽວກັບເຂດພາກໃຕ້ຂອງໄຕ້ຫວັນເກີດແຜ່ນດິນໄຫວ, ແລະກ່າວວ່າແຜ່ນດິນໃຫຍ່ຈີນຍິນດີສະໜອງການກອບກູ້ຊ່ວຍເຫຼືອທີ່ຈຳເປັນທັງຫຼາຍ.
ຄະນະກຳມະການອະນາໄມ ແລະ ຄຸມກຳເນີດແຫ່ງຊາດຈີນ, ກົມແຜ່ນດິນໄຫວຈີນຕ່າງໄດ້ຜ່ານ "ສັນຍາການຮ່ວມມືດ້ານສາທາລະນະສຸກສອງຝັ່ງຊ່ອງແຄບໄຕ້ຫວັນ" ແລະ "ສັນຍາການຮ່ວມມືຕິດຕາມວັດແທກແຜ່ນດິນໄຫວສອງຝັ່ງຊ່ອງແຄບໄຕ້ຫວັນ" ສະແດງຄວາມເອົາໃຈໃສ່ ແລະ ຄວາມຢື້ຢາມຖາມຂ່າວຕໍ່ໄຕ້ຫວັນ, ແລະກ່າວວ່າ, ແຜ່ນດິນໃຫຍ່ຈີນຍິນດີສະໜອງການສະໜັບສະໜູນ ແລະ ການຊ່ວຍເຫຼືອໃນທຸກເວລາ, ໄດ້ກຽມພ້ອມສົ່ງໜ່ວຍກອບກູ້ຊ່ວຍເຫຼືອ ແລະ ໜ່ວຍປິ່ນປົວພະຍາດໄປໄຕ້ຫວັນ.
ປະຊາຊົນເມືອງນ້ອຍເປີຍສວນ ແລະ ເມືອງນ້ອຍລູສ່ານແຂວງເສສວນຈີນເຄີຍໄດ້ຮັບການຊ່ວຍເຫຼືອຈາກວົງການຕ່າງໆໄຕ້ຫວັນໃນເວລາປະສົບໄພແຜ່ນດິນໄຫວອັນຮ້າຍແຮງທີ່ສຸດ, ປະຊາຊົນສອງເມືອງນ້ອຍດັ່ງກ່າວເອົາໃຈໃສ່ນຳພີ່ນ້ອງຮ່ວມຊາດເຂດພາກໃຕ້ຂອງໄຕ້ຫວັນທີ່ປະສົບໄພແຜ່ນດິນໄຫວ. ສອງເມືອງນ້ອຍນີ້ກ່າວວ່າ, ຈະຕ່າງໆບໍລິຈາກ 1 ລ້ານຢວນໃຫ້ແກ່ສະພາກາແດງໄຕ້ຫວັນເພື່ອກອບກູ້ໄພພິບັດ ແລະ ຊ່ວຍເຫຼືອພີ່ນ້ອງຮ່ວມຊາດໄຕ້ຫວັນໃຫ້ຜ່ານຜ່າຄວາມຫຍຸ້ງຍາກ.