ຫວ່າງມໍ່ໆນີ້, ປະທານອົງການອະທິໄອຍະການມະເລເຊຍກ່າວວ່າ, ກ່ອນໜ້ານີ້, ທ່ານປະກາດວ່າທ່ານນາຍົກລັດຖະມົນຕີນາຈິບບໍ່ມີການກະທຳທີ່ສໍ້ລາດບັງຫຼວງ, ໃຊ້ສິດເກີນຂອງເຂດອຳນາດ ແລະ ກໍ່ອາຊະຍາກຳໃດໆໃນຄະດີເງິນບໍລິຈາກທາງການເມືອງ, ເຊິ່ງເຮັດໃຫ້ຫຼາຍຄົນສົງໄສຜົນການສືບສວນ, ແຕ່ປັດຈຸບັນ ການສືບສວນໄດ້ສິ້ນສຸດລົງເປັນການຊົ່ວຄາວແລ້ວ, ຖ້າບໍ່ມີຫຼັກຖານໃໝ່,ພະແນກຕໍ່ຕ້ານການສໍ້ລາດບັງຫຼວງກໍ່ຈະບໍ່ດຳເນີນການສືບສວນອີກ.
ໃນເດືອນກໍລະກົດປີກາຍນີ້, "ໜັງສືພິມ Wall Street" ເຜີຍໃຫ້ຮູ້ວ່າ, ມີເງິນທຶນເກືອບ 700 ລ້ານໂດລາໄດ້ເຂົ້າໃນບັນຊີສ່ວນຕົວຂອງທ່ານນາຈິບ, ແຕ່ທ່ານນາຈິບກ່າວວ່າ, ເງິນທຶນກ້ອນນີ້ແມ່ນ "ເງິນບໍລິຈາກທີ່ມາຈາກອາຣັບບີ ຊາອຸດິດ", ທ່ານບໍ່ໄດ້ໃຊ້ເງິນທຶນດັ່ງກ່າວເພື່ອຜົນປະໂຫຍດຂອງຕົນເອງ.