ໃນການວາງສະແດງຂອງສູນຖະແຫຼງຂ່າວກອງປະຊຸມສອງສະພາ(ສະພາປະຊາຊົນແຫ່ງຊາດແລະສະພາປຶກສາການເມືອງປະຊາຊົນແຫ່ງຊາດ)ມີເດຍນະຄອນຫຼວງປັກກິ່ງ ໄດ້ນຳເອົາປື້ມ, ວາລະສານ ແລະ ໜັງສືພິມ ຕ່າງໆກ່ຽວກັບກອງປະຊຸມສອງສະພາປີນີ້ ເພື່ອອຳນວຍຄວາມສະດວກໃຫ້ແກ່ນັກຂ່າວຈີນແລະຕ່າງປະເທດໄດ້ອ່ອນ, ຂະນະທີ່ປື້ມ "ຄຳຊີ້ແນະການປົກຄອງປະເທດແລະການຄຸ້ມຄອງລັດຂອງທ່ານສີຈິ້ນຜິງ" ຍັງຄົງແມ່ນໜຶ່ງໃນປື້ມທີ່ໄດ້ຮັບຄວາມນິຍົມທີ່ສຸດ.
ນັກຂ່າວຫຼາຍປະເທດລ້ວນແຕ່ສົນໃຈຕໍ່ປື້ມດັ່ງກ່າວຫຼາຍສົມຄວນ. ທ່ານຊົ້ງສຽວໝິງ ເຈົ້າໜ້າທີ່ໜ່ວຍຖະແຫຼງຂ່າວສະພາປະຊາຊົນແຫ່ງຊາດ ກ່າວວ່າ: ໃນກອງປະຊຸມສອງສະພາປີຜ່ານມາ ມີນັນກຂ່າວຜູ້ໜຶ່ງໄດ້ເອົາປື້ມນີ້ 10 ຫົວໄປພາບດຽວ, ສ່ວນປີນີ້ ພະນັກງານໃນສູນຖະແຫຼງຂ່າວມີເດຍຈຳເປັນຕ້ອງຕິດຕາມ ເພື່ອບໍ່ໃຫ້ເອົາຫຼາຍເກີນໄປ ທັງເພື່ອໃຫ້ນັກຂ່າວອື່ນໆໄດ້ອ່ານປື້ມຫົວນີ້.
ພາຍຫຼັງປື້ມດັ່ງກ່າວໄດ້ພິມອອກມາແລ້ວ ກໍໄດ້ນຳໄປເຂົ້າຮ່ວມໃນງານວາງສະແດງປື້ມສາກົນຂະໜາດໃຫຍ່ໃນທົ່ວໂລກຄັ້ງຕ່າງໆ ແລະໄດ້ຮັບການຕ້ອນຮັບຢ່າງຫຼວງຫຼາຍຂະນະທີ່ຕະຫຼາດປື້ມສາກົນ, ສື່ມວນຊົນທີ່ສຳຄັນສາກົນ ແລະ ວົງການຕ່າງໆຂອງຕ່າງປະເທດຕ່າງກໍໄດ້ຕີລາຄາສູງຕໍ່ປື້ມດັ່ງກ່າວ.
