ກອງປະຊຸມວິສາມັນກ່ຽວກັບບັນຫາຢາເສບຕິດຂອງສະມັດຊາໃຫຍ່ໄດ້ໄຂຂຶ້ນໃນມື້ນີ້
2016-04-19 15:58:58 cri
ວັນທີ 19 ເມສານີ້, ກອງປະຊຸມວິສາມັນກ່ຽວກັບບັນຫາຢາເສບຕິດຂອງສະມັດຊາໃຫຍ່ໄດ້ຈັດຂຶ້ນຢູ່ສຳນັກງານໃຫຍ່ອົງການສະຫະປະຊາຊາດທີ່ນິວຢອກ. ແລະກອງປະຊຸມເທື່ອນີ້ແມ່ນອົງການສະຫະປະຊາຊາດປຶກສາຫາລືບັນຫາຢາເສບຕິດຂອງໂລກເປັນຄັ້ງທີ 4 ດ້ວຍຮູບການສະມັດຊາໃຫຍ່ພິເສດ. ກອງປະຊຸມເທື່ອນີ້ຈະພິຈາລະນາສະພາບການປະຕິບັດ "ຖະແຫຼງການການເມືອງແລະແຜນການເຄື່ອນໄຫວ" ທີ່ລົງນາມເມື່ອປີ 2009, ພ້ອມກັນນັ້ນກຊຈະຕີລາຄາການທ້າທາຍທີ່ຂະບວນການຕ້ານຢາເສບຕິດສາກົນຜະເຊີນໜ້າໃນປັດຈຸບັນ. ປະມຸກລັດຫຼາຍປະເທດແລະເຈົ້າໜ້າທີ່ຜູ້ຮັບຜິດຊອບວຽກງານເກືອດຫ້າມຢາເສບຕິດຫຼາຍກວ່າ 40 ທ່ານໄດ້ເຂົ້າຮ່ວມກອງປະຊຸມດັ່ງກ່າວ. ທ່ານໂກ່ວເຊີ່ງຄຸ່ນ, ທີ່ປຶກສາແຫ່ງລັດຈີນ, ປະທານຄະນະກຳມະການເກືອດຫ້າມຢາເສບຕິດແຫ່ງຊາດຈີນ, ລັດຖະມົນຕີວ່າການກະຊວງປ້ອງກັນຄວາມສະຫງົບຈີນພ້ອມດ້ວຍຄະນະໄດ້ເຂົ້າຮ່ວມກອງປະຊຸມດັ່ງກ່າວເຊັ່ນດຽວກັນ.