ວັນທີ 28 ເມສານີ້, ທ່ານໂດນານດ໌ ຕຣູມ ຜູ້ສະໝັກຮັບເລືອກຕັ້ງປະທານາທິບໍດີອາເມລິກາທີ່ຂຶ້ນກັບພັກຣິພັບລິກັນອາເມລິກາໄດ້ຈັດງານຊຸມນຸມແຂ່ງຂັນຮັບເລືອກຕັ້ງຢູ່ເມືອງໂອເຣນຈ໌ ພາກໃຕ້ລັດກາລິຟໍເນຍ. ປະຊາຊົນຜູ້ປະທ້ວງຈຳນວນຫຼວງຫຼາຍໄດ້ເຕົ້າໂຮມກັນປະທ້ວງຢູ່ນອກສະຖານທີ່ຈັດງານຊຸມນຸມ ເຊິ່ງເຮັດໃຫ້ເກີດມີການປະທະກັນດ້ວຍຄວາມຮຸນແຮງ, ມີປະມານ 20 ຄົນຖືກຕຳຫຼວດຈັບຕົວ.
ພາຍຫຼັງທ່ານໂດນານດ໌ ຕຣູມເຂົ້າຮ່ວມການແຂ່ງຂັນຮັບເລືອກຕັ້ງແລ້ວ, ຍ້ອນກ່າວຄວາມເວົ້າໂດຍບໍ່ຜ່ານສະໝອງຈຶ່ງເຮັດໃຫ້ເກີດມີຄວາມຜິດຖຽງກັນເລື້ອຍໆ, ທ່ານຖືກຄູ່ແຂ່ງຂັນຕິຕຽນວ່າ ໄດ້ໃຊ້ພາສາທີ່ລະດົມຂົນຂວາຍເຮັດໃຫ້ສັງຄົມອາເມລິກາແບ່ງແຍກກັນ,ແລະສົ່ງເສີມໃຫ້ໃຊ້ຄວາມຮຸນແຮງ.
ພາຍຫຼັງນະຄອນຫຼວງປາລີຂອງຝຣັ່ງໄດ້ປະສົບການໂຈມຕີແບບກໍ່ການຮ້າຍໃນປີກກາຍມາແລ້ວ,ທ່ານໂດນານດ໌ ຕຣູມເຄີຍຮຽກຮ້ອງໃຫ້ດຳເນີນການຈົດທະບຽນຕໍ່ຊາວມຸສລິມທີ່ຢູ່ອາເມລິກາແລະປິດສຸເຫຼົ່າມຸສລິມ, ຕໍ່ມາທ່ານກ່າວວ່າຄວນຫ້າມບໍ່ໃຫ້ຊາວມຸສລິມເຂົ້າອາເມລິກາຢ່າງຮອບດ້ານ ເຊິ່ງໄດ້ຮັບການຕິຕຽນຈາກຫຼາຍຝ່າຍ.
 |
