ຕອນເຊົ້າວັນທີ 29 ເມສານີ້, ພິທີສ້າງຕັ້ງສະຖາບັນການຮ່ວມມືໃຕ້ໆແລະການພັດທະນາໄດ້ຈັດຂຶ້ນຢູ່ສະຖາບັນຄົ້ນຄວ້າການພັດທະນາແຫ່ງຊາດຂອງມະຫາວິທະຍາໄລປັກກິ່ງ. ປະທານສະຖາບັນແມ່ນທ່ານລິນອີ້ຟູ່ ອະດີດຮອງຜູ້ວ່າການທະນາຄານໂລກ ປະທານກິຕິມະສັກສະຖາບັນຄົ້ນຄວ້າການພັດທະນາແຫ່ງຊາດມະຫາວິທະຍາໄລປັກກິ່ງ. ທ່ານກ່າວວ່າ: ການສ້າງຕັ້ງສະຖາບັນການຮ່ວມມືໃຕ້ໆຈະເປັນຫຼັກໝາຍທາງອັນໃໝ່ໃນການຮ່ວມມືດ້ານເສດຖະກິດກັບຕ່າງປະເທດຂອງຈີນ, ແລະມີຄວາມໝາຍອັນສຳຄັນຕໍ່ມະຫາວິທະຍາໄລປັກກິ່ງແລະການພັດທະນາຂອງເສດຖະກິດໂລກ.
ສະຖາບັນການຮ່ວມມືໃຕ້ໆແມ່ນເປີດປະຕູຕໍ່ຜູ້ຄຸ້ມຄອງຫຼືນັກຄົ້ນຄວ້າລະດັບກາງຂຶ້ນໄປຈາກລັດຖະບານ ອົງການວິຊາການ ສື່ມວນຊົນ ແລະອົງການບໍ່ແມ່ນລັດຖະບານຂອງປະເທດທີ່ພວມພັດທະນາ ເຊິ່ງຈະອຳນວຍການສຶກສາທາງປະລິຍາວິຊາການພັດທະນາແຫ່ງຊາດແລະໂຄງການຄົ້ນຄວ້າໄລຍະສັ້ນ.
 |
