ຕອນບ່າຍວັນທີ 30 ເມສານີ້, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ຕ້ອນຮັບການເຂົ້າພົບຂອງທ່ານຄີຊີຕາ ຟູມີໂອ ລັດຖະມົນຕີວ່າການກະຊວງການຕ່າງປະເທດຍີ່ປຸ່ນທີ່ມາຢ້ຽມຢາມຈີນຢູ່ຫໍຈີກວາງເກີແຫ່ງຈົ່ງນານໄຫ.
ທ່ານຫຼີເຄີ້ສຽງກ່າວວ່າ, ການຂະຫຍາຍການພົວພັນຈີນ-ຍີ່ປຸ່ນທີ່ປອດໄສ ແລະ ໝັ້ນຄົງຍາວນານສອດຄ່ອງກັບຜົນປະໂຫຍດພື້ນຖານຂອງສອງປະເທດ ແລະ ປະຊາຊົນສອງຊາດ, ມີຜົນດີຕໍ່ສະເຖຍລະພາບ ແລະ ຄວາມຈະເລີນຮຸ່ງເຮືອງຂອງພາກພື້ນ ກໍຄືຂອງໂລກ. ໃນຊຸມປີມໍ່ໆມານີ້, ການພົວພັນຈີນ-ຍີ່ປຸ່ນໄດ້ພົບບັນຫາຈຳນວນໜຶ່ງ, ປັດຈຸບັນ, ການພົວພັນລະຫວ່າງສອງປະເທດມີທ່າອຽງທີ່ຈະໄດ້ຮັບການປັບປຸງໃຫ້ດີຂຶ້ນ, ແຕ່ພື້ນຖານຍັງອ່ອນຢູ່, ສອງຝ່າຍຕ້ອງກຳເອົາທິດທາງອັນຖືກຕ້ອງຂອງການພົວພັນຈີນ-ຍີ່ປຸ່ນດ້ວຍຄວາມຮັບຜິດຊອບເທົ່າທີ່ຄວນ.
ທ່ານຄີຊີຕາ ຟູມີໂອກ່າວວ່າ, ຍີ່ປຸ່ນຍິນດີອີງຕາມນ້ຳໃຈເອກະສານການເມືອງ 4 ສະບັບລະຫວ່າງຍີ່ປຸ່ນ ກັບຈີນ, ຍຶດໝັ້ນຄວາມຮັບຮູ້ທີ່ເປັນເອກະພາບກັນທີ່ "ເປັນຄູ່ຮ່ວມມືເຊິ່ງກັນ ແລະ ກັນ, ບໍ່ສ້າງໄພຂົ່ມຂູ່ໃຫ້ແກ່ກັນ", ຮ່ວມກັບຈີນ, ໂຄລົບເຊິ່ງກັນແລະກັນ, ເພີ່ມຄວາມໄວ້ເນື້ອເຊື່ອໃຈກັນ, ຄວບຄຸມຂໍ້ຂັດແຍ່ງ, ທຳຄວາມພະຍາຍາມຊຸກຍູ້ການພົວພັນຍີ່ປຸ່ນ-ຈີນທີ່ສ້າງຂຶ້ນໂດຍຜູ້ນຳຣຸ່ນກ່ອນຂອງສອງປະເທດນັ້ນໃຫ້ຂະຫຍາຍໄປໜ້າ, ສ້າງການພົວພັນຍີ່ປຸ່ນ-ຈີນທີ່ອວ່າຍໜ້າໄປສູ່ອະນາຄົດ.