ຕາມຂ່າວCRI: ວັນທີ 15 ພຶດສະພານີ້ຕາມເວລາທ້ອງຖິ່ນ, ສະຖານທູດຈີນປະຈຳອາເມລິກາໄດ້ໃຫ້ຮູ້ວ່າ: ວັນທີ 11 ພຶດສະພານີ້, ທ່ານ ຈູ່ໄຫຊວນ ໂຄສົກສະຖານທູດຈີນປະຈຳອາເມລິກາໄດ້ສົ່ງຈົດໝາຍເຖິງຫ້ອງການວິຈານຂອງໜັງສືພິມວໍຊິງຕັນໂພສ໌ ຫຼື The Washington Post ຂອງອາເມລິກາ ໂດຍໄດ້ອະທິບາຍຫຼັກການແລະຈຸດຢືນຂອງຈີນກ່ຽວກັບບັນຫາທະເລຈີນໃຕ້, ແລະໄດ້ໂຕ້ຕອບການຂຽນຂ່າວທີ່ພິດພາດຕໍ່ບັນຫາທະເລຈີນໃຕ້ຢ່າງເຄັ່ງຂຶມຫຼັງພິມເຜີຍແຜ່ບົດນຳທີ່ພາດຫົວວ່າ "ໂຂດຫີນທີ່ເປັນອັນຕະລາຍຢູ່ທະເລຈີນໃຕ້" ໃນວັນທີ 8 ພຶດສະພານີ້.
ເນື້ອໃນກົດໝາຍຊີ້ໃຫ້ເຫັນວ່າ: ຈີນເຫັນດີແລະລິເລີ່ມແນວຄິດສອງລະບົບທີ່ປະເທດອາຊຽນສະເໜີໃນການແກ້ໄຂບັນຫາທະເລຈີນໃຕ້ຄືຄວາມຂັດແຍ້ງກັນທີ່ກ່ຽວຂ້ອງຄວນໃຫ້ແກ້ໄຂໂດຍປະເທດທີ່ກ່ຽວຂ້ອງໂດຍກົງໂດຍຜ່ານການປຶກສາຫາລືແລະການເຈລະຈາ, ຈີນແລະປະເທດອາຊຽນຈະພ້ອມກັນປົກປັກຮັກສາສັນຕິພາບແລະສະຖຽນລະພາບຂອງທະເລຈີນໃຕ້.
ດິນແດນຢູ່ທະເລຈີນໃຕ້ບໍ່ແມ່ນກຳມະສິດຂອງອາເມລິກາ ສະນັ້ນ, ອາເມລິກາບໍ່ຄວນປະພຶດຕົນເປັນໂຂດຫີນທີ່ອັນຕະລາຍ"ຂອງພາກພື້ນນີ້. ພວກຂ້າພະເຈົ້າຫວັງວ່າອາເມລິກາຈະສ້າງບັນຍາກາດທີ່ດີໃຫ້ແກ່ການສົນທະນາລະຫວ່າງປະເທດທີ່ກ່ຽວຂ້ອງ. ການພົວພັນກຸ່ມພັນທະມິດລະຫວ່າງອາເມລິກາແລະປະເທດທີ່ກ່ຽວຂ້ອງບໍ່ຄວນກາຍເປັນຂໍ້ອ້າງເພື່ອທຳລາຍອະທິປະໄຕແລະສິດຜົນປະໂຫຍດທີ່ຊອບດ້ວຍກົດໝາຍຂອງຈີນ.