ວັນທີ 17 ພຶດສະພານີ້, ອົງການຕຳຫຼວດອາຍາສາກົນແລະອົງການຕຳຫຼວດອາຍາເອີລົບຮ່ວມກັນອອກບົດລາຍງານໂດຍລະບຸວ່າ, ກຸ່ມຊິນດິເຄດຫຼືກຸ່ມຜູ້ລັກລອບສົ່ງຊາວຕ່າງດ້າວຂ້າມແດນຜິດກົດໝາຍໄດ້ຮັບຜົນປະໂຫຍດຢ່າງໜ້ອຍ 5 ຕື້ໂດລາສະຫະລັດຈາກວິກິດການຊາວຍົບພະຍົບທີີ່ເກີດຂຶ້ນຢູ່ເອີລົບໃນປີຜ່ານມາ.
ບົດລາຍງານດັ່ງກ່າວຊີ້ອອກວ່າ, ປີຜ່ານມາມີຊາວອົບພະຍົບປະມານ 1 ລ້ານຄົນເຂົ້າສູ່ດິນແດນສະຫະພາບເອີລົບ, ແລະໃນຈຳນວນນີ້ 90% ໄດ້ຈ່າຍເງິນໃຫ້ແກ່ກຸ່ມຊິນດິເຄດເພື່ອໄດ້ຮັບການຊ່ອຍເຫຼືອຈາກກຸ່ມດັ່ງກ່າວ, ແນວໃດກໍດີຄາດວ່າຕົວເລກນີ້ຈະສືບຕໍ່ສູງຂຶ້ນໃນປີນີ້. ຂະນະທີ່ບົດລາຍງານດັ່ງກ່າວຊີ້ໃຫ້ເຫັນອີກວ່າ, ຊາວອົບພະຍົບຕ້ອງຈ່າຍເງິນໃຫ້ແກ່ກຸ່ມຊິນດິເຄດແຕ່ 3000 ຫາ 6000 ໂດລາຕໍ່ຄົນ.
ປັດຈຸບັນ, ຍັງມີຊາວອົບພະຍົບປະມານ 8 ແສນຄົນລໍຖ້າຢູ່ລີບີເພື່ອລີ້ໄພຢູ່ສະຫະພາບເອີລົບ. ເຊິ່ງຊາວອົບພະຍົບເຫຼົ່ານີ້ອາດຈະໄດ້ເດີນທາງດ້ວຍຍົນຫຼືໃຊ້ວິທີອື່ນທີ່ສາມາດລັກລອບເຂົ້າເອີລົບໂດຍຜ່ານການເຮັດໜັງສືຢັ້ງຢືນປອມ, ແລະອາດຈະກາຍເປັນວິທີໃໝ່ຂອງກຸ່ມຊິນດິເຄດໃນປີນີ້.
 |
