ວັນທີ 20 ພຶດສະພານີ້, ກອງປະຊຸມລັດຖະມົນຕີທ່ອງທ່ຽວຂອງກຸ່ມ 20 ປະເທດຫຼື G20 ຄັ້ງທີ 7 ໄດ້ອອກຖະແຫຼງການຢູ່ນະຄອນຫຼວງປັກກິ່ງຂອງຈີນ ໂດຍສຸມໃສ່ບົດບາດຊຸກຍູ້ຂອງການທ່ອງທ່ຽວແບບຍືນຍົງໃນຂະບວນການພັດທະນາແບບກວມລວມຂອງໂລກ ແລະ ສົມທົບກັບຈຸດໜ້າສົນໃຈທີ່ສຳຄັນຂອງ G20, ໄດ້ເຫັນດີເປັນເອກະພາບກັນຈະຊຸກຍູ້ການຈັດຕັ້ງປະຕິບັດວາລະແຫ່ງການພັດທະນາແບບຍືນຍົງປີ 2030 ໃນຂະແໜງການທ່ອງທ່ຽວ, ປັບປຸງນະໂຍບາຍດ້ານການທ່ອງທ່ຽວໃຫ້ສົມບູນ ແລະ ສ້າງ "ເສດຖະກິດໂລກທີ່ເປີດປະຕູ"ກວ່າເກົ່າ.
ນອກນີ້, ບັນດາຝ່າຍທີ່ເຂົ້າຮ່ວມກອງປະຊຸມດັ່ງກ່າວໄດ້ເຫັນດີເປັນເອກະພາບກັນຈະຊຸກຍູ້ການເພີ່ມທະວີການຮ່ວມມືຢ່າງກວ້າງຂວາງກວ່າເກົ່າ, ເພື່ອຮັບມືກັບສິ່ງທ້າທາຍຕ່າງໆໃນດ້ານການເພີ່ມທະວີຄວາມປອດໄພອັນເນື່ອງມາຈາກການທ່ອງທ່ຽວທີ່ມີຄວາມສະດວກຍິ່ງຂຶ້ນ; ສົ່ງເສີມໃຫ້ກຸ່ມ G20 ພິຈາລະນາຖືຂະແໜງການທ່ອງທ່ຽວເປັນຂະແໜງການທີ່ສຳຄັນໃນການບັນລຸໜ້າທີ່ການສ້າງຊ່ອງທາງໃໝ່ແຫ່ງການພັດທະນາເຕີບໂຕທີ່ໄດ້ກຳນົດໄວ້ແລະອື່ນໆ.