ວັນທີ 22 ພຶດສະພານີ້ຕາມເວລາທ້ອງຖິ່ນ, ທ່ານບາຣັກ ໂອບາມາ, ປະທານາທິບໍດີອາເມລິກາໄດ້ເດີນທາງເຖິງສະໜາມບິນຮາໂນ້ຍເປັນການເລີ່ມຢ້ຽມຢາມຫວຽດນາມທາງລັດຖະກິດ.
ທ່ານໂອບາມາແມ່ນປະທານາທິບໍດີອາເມລິກາຜູ້ທີ 3 ທີ່ເດີນທາງຢ້ຽມຢາມຫວຽດນາມ, ເຊິ່ງການຢ້ຽມຢາມເທື່ອນີ້ຈະເນັ້ນຄວາມສຳຄັນຂອງການພັດທະນາເສດຖະກິດແລະຍຸດທະສາດການພົວພັນທີ່ດີຂຶ້ນຢ່າງບໍ່ຢຸດຢັ້ງລະຫວ່າງສອງປະເທດ. ຂ່າວແຈ້ງວ່າ, ທ່ານໂອບາມາອາດຈະພິຈາລະນາຍົກເລີກການຈຳກັດຂາຍອາວຸດໃຫ້ແກ່ຫວຽດນາມ.