ຕາມຂ່າວCRI: ວັນທີ 23 ພຶດສະພານີ້, ກິດຈະກຳສະຫຼອງການສ້າງຕັ້ງສາຂາທະນາຄານອຸດສາຫະກຳການຄ້າຈີນຢູ່ປາກິສະຖານຄົບຮອບ 5 ປີທີ່ຈັດຂຶ້ນຢູ່ເມືອງຄາຣາຊີປະເທດດັ່ງກ່າວ, ທ່ານ ເຮີເຊີ່ງຫູ ຜູ້ອຳນວຍການໃຫຍ່ທະນາຄານອຸດສາຫະກຳການຄ້າຈີນສາຂາຄາຣາຊີກ່າວວ່າ: ມາຮອດທ້າຍປີ 2015, ຍອດທຶນລວມ, ໜີ້ສິນແລະກຳໄລສຸດທິຂອງທະນາຄານຕົນໄດ້ເພີ່ມຂຶ້ນ 1931%, 1833% ແລະ 904% ຕາມລຳດັບຫຼັງເປີດບໍລິການແຕ່ປີ 2011 ຂະໜາດທຶນແລະຂີດຄວາມສາມາດການມີກຳໄລໄດ້ກ້າວຂຶ້ນມາເປັນອັນດັບໜຶ່ງໃນຈຳນວນທະນາຄານທຶນຕ່າງປະເທດ ແລະ ກາຍເປັນທະນາຄານທຶນຕ່າງປະເທດທີ່ໃຫຍ່ທີ່ສຸດຢູ່ປະເທດນີ້.
ພາຍຫຼັງສ້າງຕັ້ງສາຂາຢູ່ປາກິສະຖານເມື່ອປີ 2011 ຜ່ານມາ, ທະນາຄານອຸດສາຫະກຳຈີນໄດ້ເພີ່ມທະວີການຮ່ວມມືແບບຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດ, ຊຸກຍູ້ການພົວພັນດ້ານເສດຖະກິດ-ການຄ້າລະຫວ່າງສອງຝ່າຍ ທັງໄດ້ສະໜອງການເງິນແບບຫັນເປັນຫຼາຍຮູບແບບການບໍລິການໃຫ້ແກ່ວິສາຫະກິດ 100 ກວ່າແຫ່ງເຊັ່ນ: ການບໍລິການຊຳລະສະສາງດ້ວຍເງິນປະເທດຕົນແລະເງິນຕ່າງປະເທດ, ການບໍລິການລະດົມທຶນດ້ານການຄ້າ, ໂຄງການ, ການບໍລິການໃຫ້ຄຳປຶກສາດ້ານການລົງທຶນ,ການລະດົມທຶນແລະອື່ນໆ.
 |
