ຕອນເຊົ້າວັນທີ 23 ພຶດສະພານີ້, ກອງປະຊຸມອະນາໄມໂລກຄັ້ງທີ 69 ໄດ້ໄຂຂຶ້ນຢູ່ເຊີແນວ, ຜູ້ຕາງໜ້າຈາກ 194 ສະມາຊິກຂອງອົງການອະນາໄມໂລກຈະສຸມໃສ່ບັນຫາການສ້າງຂະບວນການພັດທະນາແບບຍືນຍົງປີ 2030 ແລະການຮັບມືສຸກເສີນດ້ານສາທາລະນະສຸກ. ກອງປະຊຸມຄັ້ງນີ້ທີ່ຈະດຳເນີນເປັນເວລາ 6 ວັນທັງຈະຮັບຮອງມະຕິຫຼືຂໍ້ຕົກລົງຫຼາຍຢ່າງກ່ຽວກັບສາທາລະນະສຸກຂອງໂລກ.
ທ່ານມູຮາມັດ ຊາດິ, ລັດຖະມົນຕີກະຊວງສາທາລະນະສຸກປະເທດໂອມານເປັນປະທານ ກອງປະຊຸມດັ່ງກ່າວເຊິ່ງ, ຫົວຂໍ້ທົ່ວໄປຂອງກອງປະຊຸມແມ່ນ "ປ່ຽນແປງໂລກຂອງພວກເຮົາ: ຂະບວນການພັດທະນາແບບຍືນຍົງປີ 2030 " ຄາດວ່າກອງປະຊຸມດັ່ງກ່າວຈະຮັບຮອງມະຕິຫຼືຂໍ້ຕົກລົງ 21 ຂໍ້ເຊັ່ນ, ແຜນການຮັບມືກັບຜົນກະທົບທາງລົບຈາກມົນລະພິດອາກາດຂອງໂລກ, ປ້ອງກັນພະຍາດໄຂຫວັດແຜ່ລະບາດຂະໜາດໃຫຍ່ແລະອື່ນໆ.
ກອງປະຊຸມອະນາໄມໂລກຂອງອົງການອະນາໄມໂລກ, ຈະຈັດຂຶ້ນເປັນປົກຕະຕິຢູ່ເຊີແນວໃນເດືອນພຶດສະພາຂອງທຸກປີ.