ວັນທີ 24 ພຶດສະພານີ້, ກອງປະຊຸມສຸດຍອດວ່າດ້ວຍມະນຸດສະທຳໂລກຄັ້ງທຳອິດທີ່ຈັດຂຶ້ນຢູ່ອິສຕານບູນປະເທດຕວກກີໄດ້ອັດລົງ, ດ້ວຍຜົນສຳເລັດເຊິ່ງໃນການກ່າວອັດກອງປະຊຸມສຸດຍອດດັ່ງກ່າວ, ທ່ານບັນກິມູນ, ເລຂາທິ ການໃຫຍ່ອົງການສະຫະປະຊາຊາດກ່າວວ່າ, ຜູ້ຮ່ວມກອງປະຊຸມ 400 ກວ່າຝ່າຍລວມທັງປະເທດ, ອົງການຈັດຕັ້ງແລະຄະນະສາກົນແລະພາກພື້ນໄດ້ຮ່ວມກັນໃຫ້ຄຳໝັ້ນສັນຍາ 1500 ກວ່າຂໍ້.
ທ່ານບັນກິມູນກ່າວວ່າ, ອົງການສະຫະປະຊາຊາດຈະສືບຕໍ່ຊອກຫາເປົ້າໝາຍວຽກງານມະນຸດສະທຳ, ຊຸກຍູ້ໃຫ້ປະເທດສະມາຊິກເສີມຂະຫຍາຍບົດບາດຂອງຕົນ, ສະໜັບສະໜູນຄວາມພະຍາຍາມທີ່ກ່ຽວຂ້ອງຂອງອົງການສະຫະປະຊາຊາດ. ແນວໃດກໍດີວັນທີ 19 ກັນຍາປີນີ້, ອົງການສະຫະປະຊາຊາດຈະຈັດກອງປະຊຸມລະດັບສູງກວ່ານີ້ຢູ່ສຳນັກງານໃຫຍ່ອົງການສະຫະປະຊາຊາດກ່ຽວກັບບັນຫາຊາວອົບພະຍົບ.
ກອງປະຊຸມສຸດຍອດວ່າດ້ວຍມະນຸດສະທຳເທື່ອນີ້ເປັນການລິເລີ່ມຂອງທ່ານບັນກິມູນແລະໂອກາດດັ່ງກ່າວທ່ານຮຽກຮ້ອງໃຫ້ຝ່າຍຕ່າງໆພະຍາຍາມປ້ອງກັນແລະແກ້ໄຂການປະທະກັນ, ເພີ່ມທະວີການປົກປ້ອງປະຊາຊົນ, ທັງພ້ອມກັນເພີ່ມທະວີການລົງທຶນຕໍ່ວຽກງານມະນຸດສະທຳ.
 |
