ຂ່າວສານຊິນຮວາລາຍງານວ່າ:ວັນທີ 24 ພຶດສະພານີ້,ຢູ່ຕັສການ,ທ່ານຫວາງອີ້ ລັດຖະມົນຕີວ່າການກະຊວງການຕ່າງປະເທດຈີນໄດ້ເຂົ້າຮ່ວມກອງປະຊຸມລະດັບລັດຖະມົນຕີການຕ່າງປະເທດອົງການຮ່ວມມືຊຽງໄຮ.
ທ່ານຫວາງອີ້ກ່າວວ່າ,ປີນີ້ແມ່ນປິຄົບຮອບ 15 ປີແຫ່ງການສ້າງຕັ້ງອົງການຮ່ວມມືຊຽງໄຮເຊິ່ງຕະຫຼອດໄລຍະດັ່ງກ່າວ,ການຮ່ວມມືໃນຂົງເຂດຕ່າງໆຂອງອົງການນີ້ໄດ້ຮັບຜົນຢ່າງຫຼວງຫຼາຍ,ມິດຕະພາບຖານບ້ານໃກ້ເຮືອນຄຽງແລະການຮ່ວມມືແບບຕ່າງຝ່າຍຕ່າງໄດ້ຜົນປະໂຫຍດໄດ້ຝັງເລິກໃນໃຈປະຊາຊົນ,ບົດບາດຊຸກຍູ້ຄວາມຈະເລີນກ້າວໜ້າແລະສະຖຽນລະພາບຂອງພາກພື້ນຍິ່ງພົ້ນເດັ່ນກວ່າເກົ່າ.ແນວໃດກໍດີ,ປະເທດສະມາຊິກຕ່າງໆຕ້ອງໄດ້ແກ້ໄຂບັນຫາທີ່ຜະເຊີນດ້ວຍການພັດທະນາແລະຈິນຕະນາການແບບປະດິດສ້າງໃໝ່;ສ້າງຄວາມສຸກໃຫ້ແກ່ພາກພື້ນແລະປະຊາຊົນປະເທດຕ່າງໆໃຫ້ດີດ້ວຍມາດຕະການທີ່ແຂງແຮງແລະການປະສານຮ່ວມມືທີ່ມີປະສິດທິຜົນກວ່າເກົ່າ.
ລັດຖະມົນຕີການຕ່າງປະເທດປະເທດຂອງສະມາຊິກຕ່າງໆທີ່ຮ່ວມປະຊຸມກໍກ່າວສະໜັບສະໜູນອົງການຮ່ວມມືຊຽງໄຮເສີມຂະຫຍາຍບົດບາດຂອງການເປັນສາຍພານທີ່ມີເອກະລັກພິເສດໃນການເຊື່ອມຕໍ່ລະຫວ່າງຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ກັບສະຫະພາບເສດຖະກິດເອີລົບອາຊີ,ຊຸກຍູ້ບັນດາປະເທດໃນພາກພື້ນເອີລົບອາຊີພັດທະນາແລະຈະເລີນຮຸ່ງເຮືອງໄປພ້ອມໆກັນ.